ياسمين عز: لازم الراجل يقول لمراته شعر لأنه مش أقل من المتنبي
أكدت ياسمين عز، أهمية الشعر في حياة الزوجة، مشيرة إلى أنه يجب على كل زوج أن يقول شعرا لزوجته.
ياسمين عز: لازم الراجل يقول لمراته شعر لأنه مش أقل من المتنبي
ووجهت رسالة للرجال، خلال برنامج كلام الناس، الذي تقدمه على شاشة قناة MBC، قائلة: لازم الراجل يقول لزوجته شعر لأنه مش أقل من المتنبي، ولو زوجتك طبختلك بلاش تقولها ناقص ملح قولها كلام حلو وشكرا.
وأضافت: بالنسبة للست النهاردة إجازة بدل ما أنتي قاعدة فاضية والشيطان بيقولك أطلقي، قومي أعمليله رز بلبن هاتيله مكسرات، ولو بيدخن حطيله الطفاية جنب الريموت ولو مفيش طفاية حطي أيدك أنتي أولى من الغريب، لو أنتي قاعدة جنب زوجك دلوقتي وعندك ذهب في الدولاب وقومي أديهم لزوجك يفك زنقته، هتقوليلي مفيش زنقة يا ياسمين، أديهمله برضو يفك ويروق على نفسه.
من جهة أخرى، حل خالد الصاوي ضيفًا اليوم على برنامج كلام الناس والذي كشف من خلاله عن العديد من كواليس حياته الشخصية والمهنية وقال: أنا بخاف من العجز وفي عشم بيني وبين جسمي أني باجي عليه في السهر وعدد ساعات العمل أو التركيز في حاجة معينة، ولكن أول ما أقرب من منطقة العجز أو الدكتور يخوفني ممكن أتجنن.
