ياسمين عز: اختاري الراجل اللي أول ما تشوفيه تقولي هو ده اللي هيدفعلي النفقة في معادها
قدمت الإعلامية ياسمين عز، نصائح للفتيات حول كيفية التعامل مع خطيبها، حيث أكدت أنها لا بد أن تتركه وقت النوم ليستريح من عناء عمل اليوم.
وقالت ياسمين عز خلال برنامج كلام الناس، المذاع عبر قناة mbc مصر: لما تكلمي خطيبك بالليل ويقولك اقفلي أنا عايز أنام دلوقتي، يبقى تقفلي على طول، مفيش حاجة اسمها أنت هتنام وتسيبني؟، يسيبك فين هو انتي تايهة في الشارع؟، سيبيه ينام الراجل عنده شغل الصبح.
وتابعت: أغلى ما يمكن أن تشتريه للمرأة هو خاطرها، الست مستحيل تبيع الراجل اللي اشترى خاطرها، الراجل الحنين والسند واللي مش بيسيبها الدنيا تيجي عليها.
وأضافت: عمر القلوب ما بتشترى بالفلوس، القلوب بتشترى بالأمان والحنية، اختاري الراجل اللي أول ما تشوفيه تقولي هو ده اللي هيدفعلي النفققة في معادها.
ياسمين عز: مش وقت تريندات سخيفة
وفي سياق آخر، سبق وعلقت ياسمين عز على التصريح المنتشر لها الفترة السابقة، بشأن قدوم سيدات لبنان إلى مصر، مؤكدة أن هذا التصريح غير حقيقي ومفبرك، وقالت ياسمين عز في تصريحات ببرنامجها كلام الناس: قررت أطلع أنفي التصريح المفبرك ده لأنه بيمس شعب غالي على قلوبنا.. وعيب تهزروا هزار سخيف على شعب بيعاني، مش وقت تريندات سخيفة خالص على حساب أرواح ناس بتموت.
وأضافت ياسمين عز: مش وقته تطلع تصريح مفبرك وكلام ملوش لازمة، إحنا كمصريين تميزنا بالأخلاق، وبيوتنا مفتوحة لكل الناس.
