أحمد موسي: الأشقاء في السودان باعوا دهبهم عشان يوصلوا لمصر | فيديو
أكد الإعلامي أحمد موسى، أن مصر تنعم بالأمن والأمان بفضل المولى سبحانه وتعالى وقواتها المسلحة العظيمة، قائلا: كل واحد يرفع إيده ويحمد ربنا ويشكر فضله على نعمة الأمن، النعمة دي لا تقدر بأموال الدنيا ولا كنوزها، مفيش حد يقولي سعر الذهب بكام والجرام بكام.
وأضاف موسى، خلال برنامجه "على مسئوليتي"، المذاع على قناة صدى البلد: الأشقاء في السودان باعوا الذهب اللي عندهم علشان يعرفوا يوصلوا مصر وهل سألوا بكام ذهب، إحنا بنتكلم في فراغ وهوا، وناس قاعدة في تكييف، واللى جاي من السودان، لا عارف ينام إزاي، بيفطر إزاي، بيتسحر ولا لأ، في أكل ولا لأ، هل سأل ثمن كيلو الأرز كام.
وأكمل موسى: تخطينا مسافة الـ 1500 كيلو، علشان نشوف أهلنا وهم راجعين من السودان، ولازم نحمد ربنا ونشكر الرئيس السيسي، الرجل الذي قرر مبكرا وقال استعدوا.
وقال مقدم على مسؤوليتي: مصر في نعمة كبيرة من الأمن والأمان ده بفضل ربنا والجيش، علشان كده بقولك لما تشوف أي حد من الجيش بوسه واحضنه، الناس كانت عايزة حاجة واحدة بس هي الوصول إلى مصر، مكناش التفكير في أي شيء تاني غير العودة إلى مصر، شوفوا قعدوا كام يوم في الطريق لحد ما يرجعوا مصر".
كما أكد أحمد موسى أنه تم إجلاء أكثر من 6 آلاف من السودان حتى هذه اللحظة، قائلا: دخل مصر مواطنين من 47 جنسية في عمليات الإجلاء اللى من أمريكا والصين وفرنسا والهند وتونس وبريطانيا، إحنا أكبر بلد دخل عندها جنسيات، في برقيات شكر وجهت لمصر بسبب عمليات إجلاء المواطنين من الدول الأخرى.
