دينا الشربيني: مفيش واحدة بتسرق راجل كله بييجي بمزاجه.. ولسه عندي ثقة في الناس
وجه الإعلامي الإماراتي أنس بوخش، سؤالًا، لـ الفنانة دينا الشربيني، خلال حواره معها في برنامجه AB TALKS، عن تعرضها للخيانة من قِبل صديقتها، في وقت سابق، وأخذت منها حبيبها، رغم أنها كانت من أصدقائها المقربين للغاية.
دينا الشربيني: مفيش واحدة بتسرق راجل كله بييجي بمزاجه
وقال أنس بوخش، في سؤاله لـ دينا الشربيني: لاحظت بكثرة أن النساء يسرقن أزواج وأحباب صديقاتهن، وعندما أسمع القصص؛ أجد 90% نساء وليس رجال.. لماذا تسرق النساء الأزواج؟ ويمكن أن تكون أعز صديقة لكِ؟.
وَرَدَّت الفنانة دينا الشربيني، على سؤال الإعلامي أنس بوخش، قائلة: أخطر حاجة في الموضوع، إنها بتكون عارفة كل حاجة عنه، وبالتالي بيكون سهل بالنسبالها.. أنا مش عارفة ليه الرجالة مش كده زي الستات، ودي حاجة مُهينة بالنسبة لينا، لكن مفيش واحدة بتسرق راجل، كله بييجي بمزاجه.
وأضافت دينا الشربيني: ما اتعقَّدتش، ولسه بثق في الناس عادي، أصل مش كل الناس شبه بعض، ومش معقول هيفضل يحصلك نفس الحاجة كذا مرة تاني، وآه المفروض الواحد يتعلم، بس أنا بشوف إن أنا لو ركزت أوي في الحتة دي، مش هيبقى عندي أصحاب بنات بقى، أنا بثق في صحابي، واللي هتخذلني تاني، خلاص، هتطلع من حياتي وخلصنا، صاحبتي ممكن أتضايق عليها أكتر من أي شخص، لأن الصداقة أكتر من الأخوات.
كما تحدثت دينا الشربيني، خلال اللقاء، عن علاقاتها العاطفية، قائلة: حبيت مرتين في حياتي، وللأسف بكرر غلطاتي في علاقاتي، ومعنى الحب بالنسبالي، هو الأمان والثقة والحنان، وبَكْرَه الكذب والخيانة في العلاقة، ومفهوم الحب ككل حلو، ولكن لما بيبقى الإنسان في علاقة ويحب بجد، بيتوجع، فده مش بحبه في الحب.
