دينا الشربيني: معنديش حياة شخصية وصعب حد يرتبط بيا ويستحمل غيابي طول الوقت
تحدثت الفنانة دينا الشربيني عن العديد من الجوانب في حياتها الشخصية، بدايةً من طفولتها ومرحلة دراستها الجامعية، وعلاقتها بوالديها، وبداية مشوارها الفني.
وقالت دينا الشربيني مع الإعلامي أنس بوخش في برنامج AB TALK: كنت مش كويسة لحد شهرين عشان ضغط الشغل في رمضان، ومش بنام بسبب مواعيد التصوير.
وأضافت: كمان عشان كان عندي لخبطة في حياتي الشخصية، مش عارفة أقعد مع أهلي ولا أشوف صحابي، ولا عندي حياة شخصية ولا حياة مع شخص ارتبط بيه؛ لأنه صعب ومش أي حد يقدر يستحمل إنك على طول مش موجود.
وتابعت دينا الشربيني: طفولتي كانت حلوة أوي لحد الجامعة، وأنا كنت طفلة شقية وعندية جدًا وزنانة وبقول يارب عيالي ميطعلوش زنانين وأهلي كانوا كويسين أوي واصحابي بالنسبة لي حاجة مهمة أوي، وبابا كان زمان بيسافر كتير.
واستكملت دينا الشربيني: كنت حساسة جدًا في الوقت اللي كان بابا بيسافر فيه، وكنت في طفولتي أنا وماما بنتكسف نقول بحبك ولكن بابا العكس ودلوقتي بقيت بقولهالها كتير، أما عن نفسي دلوقتي فأنا بشوف نفسي طفلة، ومعرفش إذا كنت بمثل أو لا ولحد دلوقتي ممكن أكون بمثل زفت.
آخر أعمال دينا الشربيني
شاركت دينا في موسم دراما 2022، بمسلسل المشوار مع الفنان محمد رمضان، أحمد كمال، عمرو عبد الجليل، بيومي فؤاد، أحمد صفوت، والمسلسل من تأليف محمد فريد وتحت قيادة المخرج محمد ياسين.
