قاتل نيرة أشرف أمام المحكمة: فكرت في قتلها لما يئست وتهددت.. وأهلها بعتوا لي بلطجية لحد بيتي
قال محمد عادل، المتهم بقتل نيرة أشرف، طالبة جامعة المنصورة، إنه فكر في قتل نيرة أشرف وقام بالإعداد للجريمة بعد تلقيه تهديد من الضحية بإرسال بلطجية حتى أبواب منزله.
وأردف الطالب محمد عادل، المتهم بقتل نيرة أشرف، من داخل قفص الاتهام في محكمة جنايات المنصورة، بأولى جلسات محاكمته: فكرت في قتلها لما يئست وتهددت وتعبت عايز أرد اعتباري لأني اتهنت واشتريت السكينة قبل الجريمة بكام يوم، وفي رمضان اللي فات بعتت لي تهديد وقالت لي هبعت لك ناس وبعتولي بلطجية لحد بيتي.. وأهل المنطقة عارفيني وعارفين قرايبي، محاولتش اقتلها قبل كده وكان بييجي في دماغي اقتلها بس أنا كنت بقول لأ مش عايز أوصلها لكده لحد ما جه اليوم ده وقولت خلاص مفيش أمل، ولو انا سكت عن كده انا اللي هتأذي، وممكن تعمل هي حاجه فيا، وآخر ناس بعتوهم طلعوا عارفين أهلي مرضيوش يعملوا حاجه فيا.
المتهم بقتل طالبة المنصورة: اتقدمت ليها واترفضت.. وحررت محضر ضدي
وتابع المتهم بقتل نيرة أشرف: انفصلنا عن بعض 3 شهور ورجعت اتكلم معاها راحت بلغت عني وعملت محضر عدم تعرض واني بطاردها، واتقدمت ليها واترفضت، في التحقيق وريتهم موبايلي فقال لي دي مصت دمك وفي الاخر سبتك أنا لو منك سيبك منها، اخدت الشتائم والصور وبعتها لأهلها.. وطلبوا نلم الموضوع جابوا بلطجية ومضوني على إيصالات.
محاكمة قاتل نيرة أشرف
وبدأت منذ قليل، محكمة جنايات المنصورة، برئاسة المستشار بهاء الدين المري، نظر أولى جلسات محاكمة محمد عادل، لاتهامه بقتل الطالبة المجني عليها نيرة أشرف عمدا مع سبق الإصرار، حيث بيت النية وعقد العزم على قتلها، وتتبعها حتى قام بقتلها أمام أسوار جامعة المنصورة، وباغتها بسكين طعنها به عدة طعنات، ونحرها؛ قاصدا إزهاق روحها، وجاء قرار الإحالة بعد 48 ساعة من وقوع الحادث.
