المتهم بقتل نيرة أمام المحكمة: كنا بنتقابل واتعرفت على مامتها.. وأبوها ميعرفش
قال محمد عادل الطالب بالفرقة الثالثة بكلية الآداب جامعة المنصورة؛ والمتهم بقتل نيرة أشرف أمام أسوار جامعة المنصورة لفشله في الارتباط بها، إنه كان يتقابل معها وتعرف على والدتها، مضيفًا: كانت بتقولي تعالى نشتري حاجات، وكنت بعملها كل حاجة هي عايزها، وحصل مشكلة بعدها وروحت أشوف فيه إي، اكتشفت إن أبوها ميعرفش حاجة، وافتكرني رايح اتخانق مع بنته.
وأضاف المتهم بقتل نيرة أشرف، خلال أولى جلسات محاكمته برئاسة المستشار بهاء الدين المري، أنه كان يقدم لها كل شيء تريده، قائلًا: قولتلها تسيب شغل الموديل وإنها مش محتاجاه، وبعدها لقيت واحدة بتتصل بيا وتهددني اتصدمت فيها، والأهالي مكنش عاجبهم الكلام ومرضتش أدخل أهلي، ولما حصل الموضوع ده فضلت مصدوم، وقولت أديها فرص.
المتهم بقتل نيرة أشرف: قتلتها عشان رفضت ترتبط بيا
وتابع: كانت وخداني مرحلة في حياتها، قتلتها عشان رفضت ترتبط بيا، وأنا مسؤول عنها وكنت بجيب كل حاجة هي محتاجها بشهادة أهلها، كانت بتشتكيلي من أهلها، وكنا متفقين على الخطوبة، بعد فترة من الارتباط أتضح أنها كانت واخدني مرحلة في حياتها، واكتشفت أنها مش قايلة لأبوها وبتكذب عليا.
وكانت الأجهزة الأمنية بمديرية أمن الدقهلية، كثفت من تواجدها الأمني في محيط مجمع محاكم المنصورة، استعدادا لمحاكمة المتهم بقتل نيرة طالبة جامعة المنصورة، حيث تم الدفع بمدرعات شرطية أمام المجمع، ووضع كمائن ثابتة ومتحركة في محيطه.
وأمر المستشار حمادة الصاوي النائب العام، بإحالة المتهم محمد عادل إلى محكمة الجنايات؛ لمعاقبته فيما اتهم به من قتل الطالبة المجني عليها نيرة عمدا مع سبق الإصرار، حيث بيت النية وعقد العزم على قتلها، وتتبعها حتى ظفر بها أمام جامعة المنصورة، وباغتها بسكين طعنها به عدة طعنات، ونحرها قاصدًا إزهاق روحها، وجاء قرار الإحالة بعد 48 ساعة من وقوع الحادث.
