صغير: هل الشخص اللي بيموت ساجد بيبقى مات بطريقة أفضل من الطبيعية؟.. علي جمعة يبين
أجاب الدكتور علي جمعة، عضو هيئة كبار العلماء على سؤال صغيرة نصه: هو أنا لو كنت منتظمة قوي في الصلاة وبصلي كل الفروض وجت علي فترة يعني بعدت عن ربنا وبطلت أصلي كل يوم وبفوت صلوات وكده، وبعد الفترة دي رجعت تاني، هل الفترة اللي أنا بعدت فيها عن ربنا دي أعوضها وهتحاسب عليها.
لو كنت منتظمة قوي في الصلاة وبعدت ورجعت تاني فهل الفترة اللي أنا بعدت فيها عن ربنا دي أعوضها وهتحاسب عليها؟
وقال علي جمعة خلال برنامجه الدين والدنيا: نصلي مع كل صلاة صلاة، أنا الحمد لله من ساعة ما بلغت فبصلي وبعدين جيت سنة كده نسيت نفسي وتلاعب بعقلي الشيطان وسبت الصلاة سنة، وبعدين قلت إيه اللي أنا بعمله دا ورحت راجع مرة تانية إلى الصلاة، أصلي سنة الضهر صلي معه ضهر والعصر أصلي معه عصر، والمغرب أصلي معه مغرب، لغاية ما تخلص السنة ويبقى الحمد لله أديت الدين اللي علي، ربنا بقى يحاسبني يوم القيامة لما يرى صدق نيتي وتوبتي الصادقة خلاص عفا الله عما سلف، وده حاجة مهمة لتأكيد التوبة.
صغير: منتشر إن الشخص اللي بيموت ساجد بيبقى بيموت بطريقة أفضل من الطبيعية؟.. علي جمعة يبين
كما أجاب على سؤال طفل آخر نصه: في فكرة منتشرة يعني في عالمنا دلوقتي إن الشخص اللي بيموت ساجد بيبقى بيموت بطريقة أفضل من الشخص مثلا بيموت في حياة طبيعية؟
وأضاف علي جمعة: هي القضية مش أحسن وأوحش، هي القضية إن إحنا بنحب البشرى لأن رسول الله صلى الله عليه وسلم كان يحب البشرى، كان يحب الحاجة اللي فيها بهجة، كان يحب أنه يستكشف خير، فراجل مات ليلة الجمعة، حلو قوي وبنستبشر خير ونرجو لوجه الله سبحانه وتعالى إن هو يعني يكرمه ليه؟، لانه مات ليلة الجمعة، مضيفا: ايه علاقة ان هو مات ليلة الجمعة بان هو يكرمه؟، دي بشرى عندنا احنا وتبقى المبشرات، لكن راجل عاصي وبعدين ربنا جعل اجله وهو ساجد أهي علامه، إن ربنا هيغفر له فالعلامات دي مهياش لازمة، يعني ما بنجيش يوم القيامة نقول يا رب انت خدت الواد ده ساجد يبقى دخله الجنة ما فيش حاجة واجبة على الله، انما هي بشرى لنا احنا ان احنا نظن في الله سبحانه وتعالى خير.
كما رد على سؤال صغيرة نصه: حضرتك قولت واحنا بنسلم بنسلم على الملكين الواقفين ناحية اليمين والشمال فهل هم موجودين طول الوقت ولا الصلاة بس؟، قائلا: الملائكة كتير في ملائكة للصلاة وللكتابة وفي ملائكة كتير وللحفظ.
سبب جعل كل صلاة لها عدد ركعات معينة؟
وعن سؤال صغير حول سبب جعل كل صلاة لها عدد ركعات معينة؟، قال علي جمعة: لأن الله وضع ها العدد، ولو كان أي عدد كنت هتسأل نفس السؤال، ربنا قسم هذه الصلاوات بهها الهيئة، وهذه من الأمور التعبدية.
هل تأخير الصلاة لما بعد وقتها بسبب الانشغال في الدراسة ينقص من أجرها؟
كما أجاب عضو هيئة كبار العلماء بالأزهر الشريف على سؤال طالبة عن الصلاة: لو أنا اليوم الدراسي في المحاضرات زحمة جدا ومفيش أي وقت أصلي فيه الظهر وساعات الوقت بيفوتني وساعات أصلي الظهر في غير وقته.. هل كده هفضل طول السنة الدراسية ينقص في أجر صلاة الظهر؟.
وقال على جمعة: النبي صلي الله عليه وسلم فيما أخرجه مسلم عن ابن عباس صلي الظهر مع العصر وصلي المغرب مع العشاء من غير عذر من مطر أو مرض، فقيل لابن عباس وكان فقيه الأمة ودعا له رسول الله بالفقه: ولما جعل هذا؟، فقال: "حتي لا يجعل على أمته من حرج، فيجوز لكي في هذا الشأن أن تجمعي بين الظهر والعصر تقديما وتأخيرا وبين المغرب والعشاء تقديما وتأخيرا وذلك سعيا للحفاظ على الصلاة وليس سعيا للتكاسل عنها، وهذا حديث صحيح وجري عليه الكثير من التابعين.
حيانا كتير بكون في المدرسة ومش بيكون معايا إسدال بس بيكون في خمار وبكون لابسة بنطلون فهل صلاتي جائزة
وعن سؤال طفلة نصه: أحيانا كتير بكون في المدرسة ومش بيكون معايا إسدال بس بيكون في خمار وبكون لابسة بنطلون فهل صلاتي جائزة؟، فرد قائلا: جائزة وصحيحة.
طفلة: ينفع أصلي بالبنطلون لو في البيت ولا يشترط الصلاة بالإسدال؟
كما أجاب على سؤال طفلة: ينفع أصلي بالبنطلون لو في البيت ولا يشترط الصلاة بالإسدال؟، قائلا: الإسدال صورة من صور الستر، وليس كل الستر، لكن عورة المرأة في الصلاة حتى تصلي صحيحا ألا يكشف ألا يصف ولا يشف، لا ينفع نصلي بشيء شفاف يبني لون بشرتك ولا يكشف عن شيء سوى الوجه والكفين.
