صغيرة: لو في مكان ومش متوفر فيه مسجد ينفع أصلي وفيه ولاد موجودين؟.. علي جمعة يوضح
أجاب الدكتور علي جمعة، عضو هيئة كبار العلماء على سؤال صغيرة نصه: لو في مكان ومش متوفر فيه مسجد ينفع أصلي وفيه ولاد موجودين؟.
صغيرة: لو في مكان ومش متوفر فيه مسجد ينفع أصلي وفي ولاد موجودين؟.. علي جمعة يوضح
وقال علي جمعة خلال برنامجه الدين والدنيا: يعني إحنا بنحتال لكده، بنصلي في المطارات وبنصلي في الانتقالات وبنصلي في اللقاءات والمؤتمرات، في أي حتة كانت، ولكن بننتقي المكان الأنسب بحيث إن هو ما يكونش ناس كتير رايحين جايين، رايحين جايين قدامي، بحيث إن البنت تكون في مكان لطيف، أما صلاة المرأة ما هي بتصلي في المسجد، فلا بأس بها.
لو الصلاة مكنتش موجودة هل الأعمال التانية بتتحسب؟
كما أجاب على سؤال أخر نصه: ذكرت قبل كدا إن الصلاة هي الأساس بتاع باقي الأعمال، يعني هي الإناء اللي بيضع فيها الأعمال التانية فسؤالي هنا لو الصلاة يعني ما كنتش موجودة أو الإناء ده ما كانش موجود هل الأعمال التانية بتتحسب؟.
وقال علي جمعة: الأعمال التانية بتحسب؛ لأن الله سبحانه وتعالى يقول: ولا يظلم ربك أحدا، فمن يعمل مثقال ذرة خيرا يره ومن يعمل مثقال ذرة شرا يره، ولكن في حاجة اسمها محبطات الأعمال. زي واحد راح اغتسل وخد شاور وحط عطر وتوضأ وتزين ثم خرج منه ريح، فمينفعش يصلي.
وواصل: في حاجات هتحصل زي كده مبطلات الأعمال، فاحنا بنخشى إنه يوم القيامة يبقى فيه مبطلات لهذه الأعمال أما إن ربنا هيجيب الميزان فهيجيب الميزان، كل ما فعلته من ذرة في الخير هيحطه لي في الخير وكل ما فعلته من الشر يحطه لي في كفة الشر، بس أنهي اللي تربح ما نعرفش، والصلاة مش موجودة فدي مصيبة فيبقى اذن نعم سيعطينا ويحاسبنا ويعمل كل حاجة ويرحمنا، إنما اللي بيصلي غير اللي ما بيصليش
