حريق بمطعم Smokery Burger.. والإدارة: خسرنا أول فرحتنا
اندلع حريق، مساء اليوم الخميس، داخل مطعم Smokery Burger، بشارع أحمد قمحة المتفرع من شارع المكتبات بسور كلية هندسة جامعة الإسكندرية.
تفاصيل الحريق
وتلقت الأجهزة الأمنية بمديرية أمن الإسكندرية إخطارًا من غرفة عمليات النجدة، يفيد بورود بلاغا باندلاع حريق داخل مطعم Smokery Burger، بشارع أحمد قمحة المتفرع من شارع المكتبات بسور كلية هندسة جامعة الإسكندرية.
وانتقل على الفور لموقع البلاغ؛ قوات الأمن وضباط المباحث وسيارات الإسعاف وقوات الحماية المدنية والإطفاء، وتمكنت قوات الحماية المدنية والإطفاء من السيطرة على الحريق دون وقوع خسائر بشرية أو خسائر في الأرواح.
ونشر أصحاب المطعم منشورا حول الواقعة عبر صفحة المطعم على موقع التواصل الاجتماعي فيسبوك، تضمن التالي: قدر الله وما شاء فعل أول حلم لينا اتحرق.. ما فيش كلمات تقدر توصف اللي حاسين بيه فرع هندسة مش مجرد مكان اشتغلنا فيه ده كان البداية وأول خطوة في مشوار حلمنا هنا وقفنا لأول مرة وحاربنا وتعبنا عشان نثبت نفسنا هنا ضحينا بوقتنا وبمجهودنا وبكل حاجة عشان نكبر وهنا قدام عنينا شقانا كله ولع في لحظة والنار خدت معاها تعبنا ومجهودنا وحلمنا اللي بنيناه.
وأضافوا: من أسبوع أو أكتر نزلنا بوست حكينا لكم فيه عن بدايتنا عن التراك الصغير اللي عملناه بأيدينا وعن كل خطوة مشيناها لحد ما قدرنا نفتح فروعنا وعن تعب شهور وسنين وعن لحظات الخوف والقلق ولحظات النجاح بفضل الله كنا بنحكي بفخر وبنقول إننا مكملين وإننا بنكبر بيكم ومعاكم لكن بعد أيام قليلة بس الحلم اللي كنا بنحكي عنه اتحرق قدام عينينا وما بقيناش عارفين حتى هنقدر نرجع لكم تاني ولا لأ.
وأكمل أصحاب المطعم: إحساس العجز وإحنا واقفين نحاول نطفي النار بأي طريقة هو أصعب حاجة ممكن يعدي بيها أي حد بس رغم الألم رغم الخسارة ورغم كل شيء إحنا هنحاول تاني.. بقالنا يومين ما نمناش إحنا وفريقنا بنشتغل بأيدينا عشان نرجع كل حاجة زي ما كانت وأحسن.. بنحاول نلملم بقايا الحلم اللي اتحرق عشان نبدأ من جديد بس الحقيقة إننا مش هنقدر نكمل لوحدنا إحنا محتاجينكم معانا.. محتاجين دعمكم وسندكم ودعواتكم محتاجين وجودكم في فروعنا التانية لأنكم مش مجرد زباين أنتم العيلة اللي عمرها ما بتسيبنا في وقت الشدة.
