هاجر حليم توجه رسالة للرجال: اغسلوا رِجل زوجاتكم بالمايه والملح كل يوم
وجهت الإعلامية هاجر حليم رسالة قوية للرجال عبر برنامج الجميلة والوحشين، المذاع عبر قناة هي، دعتهم فيها إلى تقدير دور زوجاتهم والاعتراف بما تتحمله النساء من مسؤوليات وضغوط في الحياة اليومية، سواء في العمل أو داخل البيت.
قالت هاجر خلال حديثها: بصراحة، أنا عايزة أقول حاجة مهمة جدًا، إحنا عايشين في مجتمع ظلم الست كتير، من وهي صغيرة بتتسمع كلام زي خليكي عاقلة أو ممنوع تشتغلي في المجال ده، ولما تكبر بتبدأ تسمع كلام زي انسي نفسك وركزي على جوزك وولادك ده مش عيب، بس ليه الست دايمًا عليها كل المسؤولية؟ ليه المجتمع بيحطها في صندوق محدد ويمنعها تفكر أو تتحرك خارجه؟
وأضافت: إحنا بنتكلم عن ستات بتربي أجيال، بتشتغل، بتكافح، وبتبني، ومع ذلك بتتحط في أدوار نمطية وبتتمنع من اتخاذ القرارات أو حتى التفكير في القيادة، فهل ده ظلم؟ ولا تقاليد بالية بنرسخها عبر الأجيال؟
وأنهت حديثها برسالة مباشرة للرجال: يا جماعة، أغسلوا رجال مراتكم بالمايه والملح كل يوم، اعرفوا قيمتها وشيلوا معاها الحمل، لو هي بتشتغل وتربي ولادك وتبني مستقبلك، أقل حاجة تعملها إنك تعوضها عن تعبها.
