دي فقرة كوميدية.. هاجر حليم ترد على تصريح إيدك طفاية سجاير لجوزك
هاجمت الإعلامية هاجر حليم، تصريح إحدى الإعلاميات والتي قالت فيه: إيدك طفاية سجاير لجوزك، واعتبرتها هاجر تحريضًا غير مقبول ضد المرأة.
وجاءت تصريحات الإعلامية هاجر حليم خلال برنامجها الجميلة والوحشين المذاع على قناة هي، حيث قالت: ولا حضرتك عايز تعمل إيد مراتك طفاية سجاير.. دي فقرة كوميدية دي.. سيبك من جو فرعوني وأحمس ورمسيس، الكلام ده أكيد مش طالع من حد عاقل.
وأضافت هاجر حليم: إحنا هنا عشان نساعد الرجالة ما يطلقوش ونشجع على حياة زوجية صحية، وكمان نساعد الست تختار شريك حياتها بعقلانية عشان ما تتدبسش في ابن أمه اللي يعاملها كخدامة، وأنت كراجل بحق وما تخليش كلام زي ده يخليك تضيع بيتك، لأنك في الآخر هتندم وتجري ورا مراتك عشان ترجعها.
هاجر حليم: العصمة من حق الراجل
سبق وناقشت الإعلامية هاجر حليم، أحقية العصمة في يد المرأة، إذ قالت: ليه العصمة متكنش في إيد الست؟ الدنيا اتغيرت، والست بقت عنصر أساسي في إدارة كل حاجة حوالينا، قائلة: العصمة من حقك في الزمن ده، وزمان كانوا بيقولوا الست نص المجتمع، لكن الحقيقة إنها روح المجتمع، بتشتغل في كل المجالات، من الوزيرة للدكتورة، وحتى في المصانع والمزارع، فليه العصمة تكون بس في إيد الراجل؟
وأكدت أن الحديث عن العصمة لا يتعلق بالصراع بين الجنسين، بل هو دعوة لشراكة متكاملة بين الرجل والمرأة في القرارات الزوجية، قائلة: العصمة ليست مجرد كلمة، هذه مسئولية، ولو الرجل بيشيلها، ليه الست متشيلهاش كمان؟
برنامج الجميلة والوحشين
برنامج الجميلة والوحشين تقديم الإعلامية هاجر حليم، ويعرض كل أربعاء في تمام الساعة السابعة مساء على شاشة قناة هي.
