نادية الجندي: منى زكي تشبهني فكريًا وفنانة حقيقية من واجبنا دعمها.. وخسرت ماديا بسبب رفضي لأعمال
تحدثت الفنانة نادية الجندي عن سر حبها لـ الفنانة منى زكي، حيث إنها تراها شبيهة لها فكريًا، ولديها فن حقيقي ومن الواجب عليها وعلى الكل دعمها في ظل تلك الأيام التي من الصعب أن نجد بها ممثلا حقيقيا مثلها.
قالت نادية الجندي خلال لقائها مع الإعلامية بوسي شلبي: من كتر ما بقى على الساحة ناس كثير، الواحد لما بيلاقي فنان جاد ملتزم بيدعمه وبيشجعه، لازم نقف جنب الفن الجيد عشان الصناعة تنهض، أنا شايفة أن منى زكي عندها حماس لشغلها واختياراتها كويسة أوي، وفنانة ملتزمة حقيقي.
سبب اختفاء نادية الجندي على الساحة الفنية
وأعربت نادية الجندي عن حبها الشديد لـ منى زكي، معلقة: هي شبهي في أنها مش عاوزة تقبل كل ما هو جيد، وده يحسبلها، أنا برفض أدوار كتير أوى مع أنه خسارة عليا مادية، وإصراري إني مقدمش كل ما هو جيد واللي يرضيني ويرضي جمهوري، ده في حد ذاته ميزة كبيرة أوى لأي فنان.
في سياق آخر، أوضحت نادية الجندي عن أهمية الفن ووجود السينمات، معلقة: السينمات مهمة، أومال إحنا بنعمل العمل ليه لازم يكون في سينمات، لازم يضمن دور عرض وتوزيع وجمهور يقبل على العمل، لأن ده مكمل للعمل، لما شوفت ندوة منى زكي، لاقيت طابور كبير أوي من الجمهور واقف، أنبسط أوي حسيت أن في جمهور واعي وداخل يتفرج على ندوة مش مجرد مشاهدة عمل، الندوة دي دليل أن في جمهور عنده وعي فني وثقافة فنية وبيهتموا بالفن الجيد فعلًا، مش زي ما بيقولوا أن الفن الجيد أنتهى بالعكس موجود في كل آوان وزمان والجمهور بيعرف يميز بين الفن الهابط والحقيقي.
