نجوى فؤاد: الرقاصات الجداد عايزين الضرب.. ازاي يبقوا عريانين كده؟
تحدثت الفنانة نجوى فؤاد، عن الراقصات الأجانب في مصر خلال الفترة الحالية، معربة عن استيائها الشديد بسبب ملابسهن والعُري الزائد في بِدل الرقص، على حد قولها.
وقالت نجوى فؤاد في تصريحات تلفزيونية: دينا آخر العنقود في الراقصات، كنت أنا وفيفي عبده ودينا، وأنا دلوقتي سيبت الرقص، وأنا مشفتش حد من الراقصات الجداد الأجانب في مصر، ولا عندي استعداد أشوف حد منهم، أنا ممكن أقوم أضربها وهي عريانة كده، إزاي تبقى عريانة كده؟
وأردفت نجوى فؤاد: اللي الراقصات الجداد بيعملوه مش بتاعنا مينفعش يبقوا عريانين كده، والحركات اللي بيعملوها مالهاش علاقة بالرقص، الرقص ما هو إلا مشاعر بتطلع من الإنسان، وترجمة للغنوة.
حقيقة ارتداء نجوى فؤاد للحجاب
وعلى جانب آخر، سبق وأن كشفت الفنانة نجوى فؤاد، موقفها من ارتداء الحجاب وذلك بعد ظهورها مؤخرًا بالحجاب في أحد اللقاءات التليفزيونية، إذ قالت في تصريحاتها لـ القاهرة 24: ملبستش الحجاب ولما أعتزل الفن، هلبسه زي عبلة كامل وأروح أعمل حج وأقعد في البيت، وده ردي والناس بتاخد الكلام وتعمل تريند.
وأعربت نجوى فؤاد، عن رغبتها في ارتداء الحجاب، إذ قالت في تصريحات تليفزيونية: نفسي أتحجب زي الفنانة شادية وأعمل عمره، أنا عملت عمرة مرتين بس عايزة أعمل عمرة وعايزة أحج وأقعد في البيت وامتنع عن الفن خالص، كفاية كده في جيل من الفنانين دلوقتي جديد يفرح القلب، مؤكدة أن هناك دولا توفر المعاشات بقيم كبير ومستشفيات للفنانين، كما أكدت أن الفن ليس له أمان ولكنها اكتسبت فقط محبة الجمهور.
