محمد هنيدي: ناوي أبطل تدخين وأرجع للرياضة.. واللي مخلفش بنات مخلفش
أكد الفنان محمد هنيدي، أنه سيتخذ قرار الإقلاع عن التدخين في أقرب وقت، وسيعود للرياضة مرة أخرى.
وقال محمد هنيدي خلال لقائه ببرنامج AB talks: ناوي أبطل تدخين قريب واتفقت مع نفسي إني لازم هبطل، ودي أول مرة أقولها، وناوي أرجع رياضي تاني وهبقى أفضل أكيد.
وتابع محمد هنيدي: الجواز مسؤولية هتتسأل عليها وإلا مكنتش اتجوزت، وأنا اتربيت في بيت فيه أب وأم وشبعت حنية، وبيسموني أبو البنات لأن اللي مخلفش بنات مخلفش.م
محمد هنيدي: اترفدت من كلية الحقوق
كما تحدث محمد هنيدي، عن حياته في فترة ما قبل التمثيل، وكيف أقنع والده بتلك الخطوة، حيث قال: سبت بيتنا وأنا عندي 20 سنة، ووالدي كان عايزني أطلع وكيل نيابة لكنه اقتنع بالتمثيل لما اترفدت من كلية الحقوق، وشاف الناس بتجري ورايا في الشارع في إمبابة بعد عرض مسلسل البخيل وأنا، ساعتها عرف إني هكون ممثل فعلا.
وفي سياق آخر، سبق ورد محمد هنيدي على خلافه مع الفنان محمد فؤاد، إذ أشار إلى أن الحياة لا تستحق وجود خلافات وأن العمر قصير للغاية، وقال محمد هنيدي خلال أحد البرامج التليفزيونية: اتصالحوا وسامحوا بعض يا جماعة، ولا أنا ولا محمد فؤاد موجودين بعد شوية، ولو هبعت له رسالة هقول له ألف سلامة وخد بالك من نفسك، وممكن أتصل عليه في أي وقت عادي.
