محمد هنيدي: اترفدت من كلية الحقوق.. وعمري ما ضربت ولادي لأن العقاب له طرق كتير
تحدث الفنان محمد هنيدي، عن حياته في فترة ما قبل التمثيل، وكيف أقنع والده بتلك الخطوة، كما أشار إلى إنه لا يتبع طرق التربية القديمة وضرب أولاده.
وقال محمد هنيدي خلال لقائه ببرنامج AB talks: سبت بيتنا وأنا عندي 20 سنة ووالدي كان عايزني أطلع وكيل نيابة لكنه اقتنع بالتمثيل لما اترفدت من كلية الحقوق، وشاف الناس بتجري ورايا في الشارع في إمبابة بعد عرض مسلسل البخيل وأنا، ساعتها عرف إني هكون ممثل فعلا.
وأضاف محمد هنيدي: زوجتي معايا من بداياتي وليها دور كبير في مشواري، وقولتلها زمان، لو تميت الـ 35 سنة ومكنتش حققت نفسي في التمثيل، هغير المجال وهسافر أشتغل حاجة تانية.
وعن تعامله مع أولاده، قال محمد هنيدي: فكرة ضرب ولادي وأذاهم مش واردة عندي، والعقاب له طرق كتير والنهاردة الولاد جايين في عالم صعب ووقت صعب، وهما مسؤولية أنت هتُسأل عليها.
أعمال محمد هنيدي يوجه رسالة لـ محمد فؤاد
وفي سياق آخر، سبق ورد محمد هنيدي على خلافه مع الفنان محمد فؤاد، إذ أشار إلى أن الحياة لا تستحق وجود خلافات وأن العمر قصير للغاية، وقال محمد هنيدي خلال أحد البرامج التليفزيونية: اتصالحوا وسامحوا بعض يا جماعة، ولا أنا ولا محمد فؤاد موجودين بعد شوية، ولو هبعت له رسالة هقول له ألف سلامة وخد بالك من نفسك، وممكن أتصل عليه في أي وقت عادي.
