هنيدي يوجه رسالة لـ محمد فؤاد: ألف سلامة وخد بالك من نفسك
رد الفنان محمد هنيدي على خلافه مع الفنان محمد فؤاد، إذ أشار إلى أن الحياة لا تستحق وجود خلافات وأن العمر قصير للغاية.
هنيدي يوجه رسالة لـ محمد فؤاد
وقال محمد هنيدي خلال وجوده في أحد البرامج التليفزيونية: اتصالحوا وسامحوا بعض يا جماعة، ولا أنا ولا محمد فؤاد موجودين بعد شوية، ولو هبعت له رسالة هقول له ألف سلامة وخد بالك من نفسك، وممكن أتصل عليه في أي وقت عادي.
وأردف هنيدي حديثه عن علاقته بـ زملائه في الوسط الفني إذا مرّ بأزمة مادية: أي حد من أصحابي لو احتجت فلوس منه هيديلي وربنا ميقدرش عليا إني استلف.
وأردف عن عباداته الدائمة: بموت في الصلاة على النبي ومفيش أشرف من كده، وعمري ما شربت أي حاجة ودي نعمة وفضل من ربنا.
وعن علاقته بـ أبنائه قال: لو بنتي طلبت مني حاجة بوافق عليها فورًا وكلمتهم عن مرحلة المراهقة وقلت ليهم هتمروا بمشاكل مش حقيقية، وبحبب عيالي في ربنا ودينهم وبسيبهم وكده مش بخاف عليهم وأنا بشد وبرخي.
وأضاف: وعمري ما فكرت أتزوج امرأة تانية مازحًا: ممكن أتزوج تاني وتالت بس لو ورد التفكير ونفسي أعمل ديو مع أوكا لأنه جميل.
وسبق وتحدث هنيدي عن فكرة ابتعاده عن الكوميديا خلال مقابلة تليفزيونية حيث قال: لو ابتعدت عن الكوميديا دي تبقى جريمة، مينفعش آجي الأيام دي وأقدم شيء لا يضحك الناس – الناس بحاجة إلى الضحك أكثر من أي وقت مضى، جاءت تصريحاته في وقت يشهد فيه العديد من الفنانين الكوميديانيين توجهًا نحو تقديم أدوار مختلفة، لكن هنيدي يبدو متمسكًا باستمراره في إرثه الكوميدي.
