عمرو مصطفى: لازم نستفيد من إمكانيات الذكاء الاصطناعي.. ومش هيستبدل العنصر البشري
شارك الملحن عمرو مصطفى، في ندوة جديدة بعنوان الموسيقى في عصر الذكاء الاصطناعي، ضمن فعاليات مهرجان الموسيقى العربية، والذي أقيمت أمس، وتحدث عمرو مصطفى عن العديد من الموضوعات الخاصة بالموسيقى.
ومن أبرز تصريحات عمرو مصطفى خلال الندوة، عندما أشار إلى أن الذكاء الاصطناعي لا يمكن أن يستبدل العنصر البشري، حيث قال: خلوه يساعدكم لكنه مش هو اللي هيبدع، ومش هيعرف يعمل ده وقعدت سنتين أذاكر الـ Ai، والكلام ده مهم عشان الأجيال الجديدة تعرف إن الموسيقى راجعة تاني.
عمرو مصطفى: بقينا بنسمع دوشة في الحفلات الغنائية
وتابع عمرو مصطفى، مؤكدا أن موسيقى الحفلات حاليا لم تصبح بجودة حفلات الزمن القديم، حيث قال: حاليًا في الحفلات بقينا مش بنسمع الموسيقى على المسارح زي ما كنا بنسمعها في حفلات زمان، بنسمع دوشة في الحفلات والمشكلة مش في مهندس الصوت لكن في اللي بيكتب النوتة، وفقدنا الهوية في الناتج السمعي.
وأكد عمرو مصطفى أنه أخذ موافقة أسرة عبد الحليم حافظ، حول تقديم أغنية بالذكاء الاصطناعي بصوت عبد الحليم حافظ، وقال: أخدت موافقة من محمد شبانة لعمل أغنية وطنية بصوت عبد الحليم ونرجعه تاني ونقدر نبتكر والذكاء الاصطناعي بيدمج الابتكار من الوسائل المتاحة، وأنا عملت تجربة صوت أم كلثوم بالذكاء كان صوتي أنا في الأساس وكنت مجرد بثبت للناس إننا نقدر نقدم ألحان زي ألحان زمان.
