عائلة عبد الحليم حافظ: اتفقنا مع عمرو مصطفى على تقديم أغنية تجريبية للعندليب بالذكاء الاصطناعي| خاص
علق محمد شبانة، نجل شقيق المطرب الراحل عبد الحليم حافظ، على تصريحات الملحن عمرو مصطفى، حول اتفاقه معه على تقديم أغنية جديدة بصوت العندليب، باستخدام تقنيات الذكاء الاصطناعي.
وقال محمد شبانة خلال تصريحاته لـ القاهرة 24: قعدت مع عمرو مصطفى قعدة ودية واتفقنا إننا ممكن نجرب أغنية للعندليب، بالذكاء الاصطناعي، نسمعها ونقرر، وهتكون كلمات وألحان جديدة.
وتابع شبانة: إحنا كل شوية بنشوف تطور الذكاء الاصطناعي وصل لفين، وأكيد مش هقبل حاجة تنزل مش كويسة للعندليب، لأني من جمهوره قبل ما يكون عمي، فـ لسة مبدأناش أي إجراءات.
عمرو مصطفى يعلن تقديمه أغنية جديدة بصوت عبد الحليم
وسبق وأعلن عمرو مصطفى، خلال ندوة الموسيقى في عصر الذكاء الاصطناعي، بدار الأوبرا، اتفاقه مع محمد شبانة على تقديم أغنية جديدة بصوت العندليب بواسطة الذكاء الاصطناعي، وقال: أخدت موافقة من محمد شبانة لعمل أغنية وطنية بصوت عبد الحليم ونرجعه تاني ونقدر نبتكر والذكاء الاصطناعي بيدمج الابتكار من الوسائل المتاحة، وأنا عملت تجربة صوت أم كلثوم بالذكاء كان صوتي أنا في الأساس وكنت مجرد بثبت للناس إننا نقدر نقدم ألحان زي ألحان زمان، وبعد كدة على التيك توك شوفنا ناس بتعمل ألحان بصوت أم كلثوم مستحدثة ومشوفتش المنتجين بيتكلموا ولا بيعترضوا، لو كانت موجودة كانت هتسمع للمغنين الشباب زي ما سمعت لبليغ حمدي ومحمد فوزي، ولو كانت موجودة كانت هتفتخر بـ عمرو مصطفى إنه له أكتر من 150 عمل مترجم عالميا.
