عمرو مصطفى: بقالي 25 سنة بيظهروني إني بتاع مشاكل ومنافق.. والصدق سر موهبتي
أكد الفنان والملحن عمرو مصطفى، أن هناك أشخاصا يروجون عنه أنه يصنع مشكلات مع زملائه، مشيرًا إلى أن الصدق هو سر موهبته.
كتب عمرو مصطفى، منشورًا عبر حسابه الشخصي بموقع التواصل الاجتماعي فيسبوك، وقال: بقالهم 25 سنة وهمّا بيحطوني في مشاكل علشان يظهروني إني بتاع مشاكل، وكل ده عشان يخلوني زيهم، منافق وبيسمع الكلام.
وتابع عمرو مصطفى: بس بصراحة؟ لو وضحت في يوم، هتبقى اللحظة اللي أقول فيها باي باي لموهبتي الحقيقية، وكأنهم كسبوا المعركة، أنا بختار أسمعكم ألحان صادقة، وعندي طريقتي الخاصة اللي مش هتنازل عنها مهما كانت الحرب شغالة! يا جماعة، أنا صادق بروحي، وده اللي مضايقهم، لكن هفضل كده! خلّوني في حالي.. موهبتي مش للبيع.. الصدق هو سر موهبتي، ومش هتغير علشان حد.
عمرو مصطفى يتراجع عن تصريح مليش زملاء في الوسط: أحترم محمد رحيم وعزيز الشافعي ومدين
وكان تراجع عمرو مصطفى عن تصريحه السابق الذي أثار جدلًا، حين قال: مليش زملاء في الوسط الفني، معربًا عن تقديره واحترامه لعدد من زملائه الملحنين، من بينهم مدين ومحمد رحيم وعزيز الشافعي.
وعبر منشور له على صفحته الرسمية بموقع فيسبوك، شارك عمرو مصطفى صورًا لعدد من أبرز ملحني مصر، معلقًا: النهاردة حصلت مكالمة مهمة جدًا بيني وبين صديقي العزيز مدين ووضحنا فيها كل شيء.. حابب أقول قد إيه أنا بحترم هذا الشخص وبقدّر إبداعه.
