حجز جلسة محاكمة المتهمين بفبركة سحر لمؤمن زكريا للحكم الثلاثاء المقبل
قررت محكمة جنايات جنوب القاهرة المنعقدة بمجمع محاكم زينهم، اليوم الثلاثاء، حجز ثاني جلسات محاكمة المتهمين في واقعة فبركة سحر مؤمن زكريا، لجلسة الثلاثاء المقبل.
محاكمة المتهمين في واقعة فبركة سحر اللاعب مؤمن زكريا
واستمعت جهات التحقيق لأقوال التربي - المتهم الأول في واقعة فبركة سحر مؤمن زكريا، والذي قال: اللي حصل إني شغال تربي في مقابر سيدي عقبة في الخليفة، وفي يوم كنت بزرع صبارة في الترب مرة واحدة، ووأنا بحفر لقيت كيس بلاستيك فمسكته وفتحته عشان أشوف فيه إيه لقيت فيه لفتين، وبفتح أول لفة لقيت مكتوب فيها طلاسم وحاجات مش مفهومة، واللفة التانية بفتحها لقيت فيها ثلاث ورقات بيض مكتوب عليها كلام مش مفهوم وفيها صورة كابتن مؤمن زكريا، والصورة مكتوب عليها بالأحمر كلام مش مفهوم ومدبس فيها أكثر من دبوس ومكتوب عليها بالأحمر، وساعتها أنا صورتهم بالتليفون محمد جوز أمنية.
وأضاف التربي في واقعة فبركة سحر مؤمن زكريا: اتصلت بمحمد أ قريبي وقلتله على اللى أنا شفته وساعتها هو قالي إنه يعرف حد يوصلني بالكابتن مؤمن زكريا، وبعد كده لقيت واحد اسمه مصطفى ومعاه واحد صاحبه وقالي إنه قریب مرات مؤمن زكريا، وساعتها طلب مني إنه يشوف الأعمال اللي أنا شوفتها في المدفن، فوريتهاله وقالي إن مرات مؤمن زكريا هتتواصل معايا، وبعدها بيومين لقيت كابتن مؤمن زكريا واتنين شيوخ وأبو مؤمن زكريا ومصطفى والشيوخ قدامي.
وأردف التربي المتهم في واقعة سحر مؤمن زكريا: طلبوا مني أجيب الأعمال عشان يشوفوها وبعدها قعدوا يطلبوا مني خل ومايه وسلطانية على أساس أنهم بيفكوا الأعمال، وبعد كده طلبوا مني أنهم يشوفوا المكان اللي أنا لقيت فيه الكيس ده وريتهلهم والشيخ طلب منى أحفر شوية كمان وطلع ساعتها من الحفرة اللي جنب التربة حتتين فخار وسلك، وبعد كده حط زرعة الصبار وسقاها بمية مقري عليها قرآن.
