عادل الفار عن وفاة نجله: أدمن بسبب انشغالي عنه.. وبعض الفنانين خذلوني في محنتي

تحدث الفنان عادل الفار، عن نجله المتوفى منذ سنوات قليلة، مشيرًا إلى أنه يشعر بالذنب تجاهه، بسبب إهماله نوعا ما، ما أدى إلى اتجاهه إلى طريق الأمان، الذي أدى إلى وفاته بالنهاية. 

وقال عادل الفار، خلال لقائه مع الإعلامية ياسمين عز، ببرنامج كلام الناس: ابني كان بياخد مني فلوس كتير ودي الغلطة اللي وقعت فيها، وأنا في الوقت ده كنت بشتغل كتير ودايما مشغول عنه، واكتشفت في الآخر إنه بيتعاطى مخدرات، ودخلته 3 مصحات ولكن انتكس كتير لحد ما اتوفى.

عادل الفار عن وفاة نجله: بعض الفنانين خذلوني في محنتي

وعن فترة مرضه، أكد عادل الفار أنه لم يكن هناك من يسأل عنه باستمرار، غير عدد قليل من الفنانين، قائلا: بعض الفنانين خذلوني لكن أنا بعذر اللي مش بيسأل عني بسبب ظروفه، وبشكر مصطفى قمر وخالد عجاج عشان بيسألوا عني، وعجاج إداني ظرف فلوس وقت مرضي.

عادل الفار: اتجوزت على مراتي واحدة تانية لمدة 6 شهور

كما روى الفار، قصة زواجه من سيدة أخرى على زوجته الأولى، قائلا: اتجوزت على مراتي واحدة تانية لمدة 6 شهور، وبعدين طلقتها عشان كانت عايزاني كل يوم وأنا كنت مشغول جدا بالشغل، وزوجتي الأولى عرفت بعدها وبتفكرني بزواجي عليها كل شوية، بقالنا 42 سنة. 

ياسمين عز: اختاري الراجل اللي أول ما تشوفيه تقولي هو ده اللي هيدفعلي النفقة في معادها