ياسمين عز تنصح السيدات: لو زوجك بيحب الكورة العبي معاه في الصالون وأقفيله حارس مرمى
في حلقة مثيرة من برنامج كلام الناس قدمت الإعلامية ياسمين عز عبر شاشة قناة MBC مصر، مجموعة من النصائح للنساء عن كيفية التفاعل مع أزواجهن بأسلوبها المعروف والمثير للجدل.
وقالت ياسمين عز: لو زوجك بيحب كرة القدم، ليه متلعبيش معاه؟ ألعبوا في الصالون، أقفيله حارس مرمى وخليه يسجل جول.
وأضافت أن المرأة يمكن أن تجعل زوجها يشعر بالسعادة بمشاركة اهتماماته، سواء كانت كرة القدم أو غيرها، قائلة: قرأت امبارح كتاب بيقول إن فيه 3 حاجات أو علامات لما البنت بتعملهم الراجل هيعجب بيكي، ولو معملتيش كدا هيعجب بيكي برضه، يعني مثلا شاركيه اهتماماته، لو بيحب الكورة ألعبوا في الصالون وأقفيله حارس مرمى وخليه يسجل جول.
وأضافت: أو ممكن تتعلمي الطاولة خصوصا المحبوسة، خليك يحبسك يا مدام وخليه يكسبك الـ 31 بنط، ولو بيحب البط بالبرتقال اعمليله كدا برضه.
لم تكتفِ ياسمين عز بذلك، بل نصحت النساء بأن يذهبن إلى أهل أزواجهن، موضحة: روحي اهمسي في ودنه وقوليله حبيبي أنا هروح أقعد عند أهلي أسبوع... وسيبي زوجك لوحده.
ياسمين عز تعلق على تصريح مفبرك بشأن قدوم اللبنانيات لمصر
سبق وعلقت الإعلامية ياسمين عز على التصريح المنتشر لها بشأن قدوم سيدات لبنان إلى مصر، مؤكدة أن هذا التصريح غير حقيقي ومفبرك.
وقالت ياسمين: قررت أطلع أنفي التصريح المفبرك ده لأنه بيمس شعب غالي على قلوبنا.. وعيب تهزروا هزار سخيف على شعب بيعاني.. مش وقت تريندات سخيفة خالص على حساب أرواح ناس بتموت.. مش وقته تطلع تصريح مفبرك وكلام ملوش لازمة.. وإحنا كمصريين تميزنا بالأخلاق.. وبيوتنا مفتوحة لكل الناس.
