الحمد لله تُبت.. أول تعليق من اليوتيوبر شريف جابر بعد حجب قناته بتهمة نشر الإلحاد
علق اليوتيوبر شريف جابر على حكم محكمة القضاء الإداري، اليوم، بحجبه وحظره من على منصات التواصل الاجتماعي، وذلك لنشره الإلحاد وتطاوله على الله عز وجل في منشوراته.
أول رد من اليوتيوبر شريف جابر
وقال شريف جابر على صفحته الشخصية على فيسبوك: هو مفيش غيري؟ طب أعمل إيه عشان تنسوني؟
وتابع: أكدت الهيئة في تقريرها أن حجب القناة الخاصة باليوتيوبر قد يترتب عليه خسائر تتجاوز مئات الملايين من الجنيهات، لكن حفظ الدين أهم.. طيب يعني ماهو الـ URL ممكن يتغير بعدها، ثم إن مصر أهم من كدا بكتير.. إحنا مش أفغانستان عشان نحجب قناة واحد بيطلب من الناس تفكر.. أنا مش مصدق القرار ده ولا قادر أعقله، لأن من حق كل واحد يعبر عن فكره حتى لو معندوش دين.
وأضاف: بعدين.. ما كنتم حجبتوا كل القنوات والصفحات الإخوانية اللي بتعادي الدولة،أنا بعمل فيديوهين في السنة، يا جماعة أنا أبسط من كدا صدقوني.
وتابع: أتحدى حد يجيبلي بوست واحد تطاولت فيه على الله أو الدين أو أي حاجة من دي.. أنا طوال السنين اللي بعمل فيها فيديوهات كنت محترم ومؤدب زي الطالب الشاطر في فصل كله مشاغبين، وكل الفيديوهات اللي عملتها دي مقولتش فيها غير تقريبا 3 مرات ألفاظ خارجة، وكانت في سياق الكوميديا، وأنا مؤمن إن الكوميديا المفروض ميكونش ليها خطوط.
وأردف: أنا عارف إن نقد الدين مخليكم تشوفوني إبليس بس ده تشخيص ظالم. ده كُره.. والكُره بيعمي الإنسان عن إنه يكون محايد، شيلوا الدين من المعادلة محدش من اللي بيكرهني هيلاقي سبب يكرهني عليه، ثم إني قلتلكم خلاص مش هعمل فيديوهات عن الدين تاني، أنا الحمد لله تبت.. قضايا السجن ضدي فهمتني إن تفكيري كان غلط والمجتمع هو اللي صح.
