صديق عريس الدقهلية: عندما اتشد جوه العربية أنا جريت ووصلتهم لرأس البر| خاص
يواصل القاهرة 24 نشر التحقيقات مع المتهمين في القضية المعروفة إعلاميا بـ عريس الدقهلية.
عريس الدقهلية
وانتشر ڤيديو في الايام الماضية وأحدث الزعر والقلق بين المجتمع، وتعود تفاصيله لعريس الدقهلية الذي مثل واقعة اختطافة أمام أسرته، وتبين بعد ذلك أنه يوتيوبر وأقدم على هذا الفعل من أجل الحصول على أرباح كبيرة من القناة.
وقال المتهم صديق عريس الدقهلية: اللي حصل إن أنا كنت في فرح أحمد،ج صاحبي، وبعد كدة واحنا في آخر الفرح لقيت أحمد،ج جاي بيقولي أنه عايز يعمل مقلب في أهله، وجاب لي عربية كان مأجرها، وبعد لما الفرح خلص ركّب مراتة العربية، وأنا ركبت العربية اللي هو مأجرها، ومحمد سامي شده فيها، وطلعنا نجري بالعربية وبعد كدة رحنا رأس البر وبعد كدة روحت بيتنا.
وأضاف: أحمد عمل الموضوع كلة من باب الهزار والضحك وهو له صفحة على اليوتيوب اسمها جمهورية احمد وامل وبيعمل فيها مقالب عشان الترند والمشاهدات تزيد، وأحمد هو اللي كان مخطط للموضوع كله وهو اللى عمل المقلب في الناس ومحمد،س كان راكب معايا العربية وشده جواها.
وتابع: أول ما محمد،س شد أحمد جوة العربية أنا جريت بالعربية ورحنا على رأس البر وصلتهم وأنا روحت البيت، والمقطع اللي نشره أحمد كان مصوره قبل الفرح، وكان بيقول فيه إنه هيعمل المقلب ده عشان يطلع ترند وهتبقى حاجة جديدة.
واختتم: أنا مكنتش معاه وهو بيصور الڤيديو اللي قال فيه إنه مقلب، وأحمد مصور الفيديو قبل الفرح بكام ساعة بس، وقالي على الموضوع دا قبل ما نطلع من القاعة بحوالي نص ساعة تقريبا، أنا مليش دعوه بالصفحة دي واحنا كنا بنهزر وأحمد كان بيعمل ترند عشان المشاهدات تزيد على الصفحة بتاعته.
