متهم في قضية عريس الدقهلية: مكنتش أعرف إنه مقلب| خاص
انتشر خلال الأيام الماضية فيديو لعريس الدقهلية خلال حفل زفافه، وقام بالتمثيل وكأنه يتعرض للاختطاف من قبل مجموعة من الأشخاص، وأثارالمقطع حالة من الصدمة والقلق بين مستخدمي مواقع التواصل وأهالي محافظة الدقهلية، وتبين فيما بعد أنه يوتيوبر صاحب قناة تدعى جمهورية أحمد وأمل، وكان غرضه تحقيق الربح.
قضية عريس الدقهلية
حصل القاهرة 24، على تحقيقات عبد الرحمن.ع زوج شقيقة العريس المتهم في القضية المعروفة إعلاميا بعريس الدقهلية.
وقال المتهم خلال التحقيقات: اللى حصل إن أنا كنت في فرح أحمد.ج أخو مراتي أسماء،ج وإحنا في القاعة وبعد ما الفرح خلص وأحمد خارج هو مراته بيركبوا العربية لقينا عربية جات بسرعة وحد شد أحمد فيها وطلعوا يجروا.
وأضاف: وبعد كدة روحنا على بيت أحمد جمال أخو مراتي، وهي لما روحنا عملت فيديو إنه اتخطف وبعد منها بحوالي ساعتين أحمد كلم مراته وقال لها إن دا مقلب وهو اللي عمله، ومرات أحمد قالت لنا إنه مقلب.
واختتم حديثه قائلا: أنا مكنتش أعرف إنه مقلب وكنت زي أي حد في الفرح، وأنا عرفت لما روحت بيتنا في منية النصر إن أحمد.ج أخو مراتي عمل كل ده من باب الهزار والضحك وهو له صفحة على اليوتيوب اسمها جمهورية أحمد وأمل وبيعمل فيها مقالب عشان يزيد المشاهدات ويطلع تريند.
