سيدة تشتكي من رفع أسعار الصيانة بالكومباوند: فاكرين أن عندنا بترول
نشرت سيدة تدعى أمل محمود، فيديو لها عبر موقع التواصل الاجتماعي تيك توك، تعبر من خلاله عن استيائها بسبب رفع تكاليف وأسعار صيانة الكهرباء والسباكة وغيرها من احتياجات المعيشة داخل الكومباوندات السكنية، لأضعاف سعرها.
وقالت أمل محمود من سكان أحد الكومباوندات، في فيديو لها عبر موقع تيك توك: نفسي أعرف ليه الناس بتتعامل مع سكان الكومباوندات دول على أساس أنهم عايمين على بئر بترول، والبترول ده بتاعهم، وياخدوا كل يوم من الفلوس اللي بتترمي زي المطر عليهم.
وأضافت أمل محمود: أنا ليه لما أكلم حد أقوله عايزاك تيجي بس تدهنلي حيطة يقولي حاضر وهو حضرتك الحيطة دي فين ؟ في شقة في الشارع ولا كومباوند.
وأردفت أمل بسخرية: يفرق معاك أيه في كومباوند ولا شقة! وللأسف كلهم عايزين يعرفوا شقة عادية ولا لأ زي السباك والكهربائي، عشان ياخدوا مننا فلوس، بس على فكرة سكان الكومباوند مواطنين عاديين جدا
واختتمت أمل أعتقدنا أن السكن في الكومباوند ده أمان ونظافة بس احنا علينا أقساط والدنيا جحيم، وقبل ماحد يسكن في الكومباوند يسألني أنا شوفت كل المشاكل دي وبحذركم.
وتفاعل عدد كبير من مستخدمي منصة تيك توك مع الفيديو، وقال صاحب حساب: طبيعي لأن الأسعار بتزيد كل يوم وده شغله، وأضاف آخر: ليس فقط العمال ولكن كل المجتمع يتعامل مع ساكن الكومباوند أنه مالك له، في حين علق شخص آخر: عشان المواعيد في العمل والانتقالات وهو معاه عدة ومفيش كوباية مياه بتتقدم.
