فتاة تشكو من تعرضها للتمييز في المطار الإثيوبي: منعوني أخرج من المطار لأني مصرية
تحدث فتاة تدعى نور عن تعرضها لـ تمييز عنصري من قبل الموظفين في المطار الإثيوبي، وتواصل القاهرة 24 مع الفتاة، لسرد تفاصيل الموقف التي تعرضت له في المطار الأثيوبي.
فتاة تشكو من سوء معاملة الطيران الأثيوبي
أشارت نور في تصريحات خاصة لـ القاهرة 24 إلى تفاصيل الموقف التي تعرضت له في المطار الإثيوبي قائلة: أول مرة أصلا أسافر على الطيران الإثيوبي، وأنا عشان حجزت قبل السفر بأسبوع واحد بس فكانت الاختيارات قليلة، وكان أفضل خيار هو ترانزيت لمدة 17 ساعة، وأنا قرأت إن أي حد يسافر عبر الطيران الإثيوبي بوقت أكثر من 8 ساعات، يقدر يطلع خارج المطار بدون فيزا، وبيكون ليه إقامة في فندق، ومواصلات من المطار للفندق، وده بيكون لكل الناس.
وأضافت: تجنبًا لتعرضي لأي مشكلة حجزت فيزا سياحية لمدة 30 يوم، عشان بس أقدر أخرج من المطار وأكون في الفندق، وما فيش حد يرد عليا على موضوع الفيزا السياحية، وأما روحت المطار بتذكرة الحجز الفندقي الخاص بيا، وعرفوا إني مصرية رفضوا إقامتي في الفندق، وعرفت إن الموظفين بالمطار تعاملوا معايا أنا بس بالطريقة ديه.
وأكملت: والموظفين رفضوا خروجي من المطار للإقامة في الفندق، وقالولي مش هينفع بس ممكن تنتظري في صالة المطار فقط، وإني أنا الوحيدة اللي اتمنعت من الإقامة في الفندق عشان أنا مصرية، والموظف قالي إحنا مش بنتعامل كده معاكي بس، إحنا بنتعامل مع السوريين والأفغانيين والمسافرين من بنجلاديش.
