موعد ومكان جنازة ريم حامد طالبة الدكتوراه بعد وفاتها في فرنسا
أعلن نادر حامد، وفاة شقيقته ريم حامد، طالبة الدكتوراه المصرية، في العاصمة الفرنسية باريس، وذلك في منشور له على صفحته بموقع التواصل الاجتماعي فيسبوك.
وأوضح نادر، أنه من المقرر تشييع الجنازة من مسجد آل رشدان بمدينة نصر، وذلك بعد إثارتها حالة من الجدل حول سبب وفاتها، إذ ازداد الاهتمام بقضية وفاة ريم حامد على مواقع التواصل الاجتماعي، وهذا بسبب وفاتها بعد العديد من منشوراتها التي تدل على الخطر الذي يحوم حولها في فرنسا.
وكانت ريم قالت في منشور لها على موقع التواصل الاجتماعي إنها تعرضت لمحاولة اغتيال وتجسس من قبل جارتها بقولها: “البجاحة وصلت إن جارتي بتجيب مواد مخدرة، شيء بيعلي نبض القلب وتقعد تبخرها من تحت الباب لحد ما تسد نفسي وأكلم البوليس مافيش حد بيجي وأحط مياه علشان أوقف البخار تزود مواد علي المياه وتحطها في بيتي... أبلغ.. مش نافع والجريمة عيني عينك وطبعا ده شكله طبيعي هنا ولا ايه الأستاذ نفس الشخص اللي حسابها اللي نزلت صورته قبل كده علشان حضرتها قاعده بتجسس عليا”.
وتابعت ريم في منشورها قائلة: "الناس في المبني.. مش يكفي جريمة تعدي على الأمن الشخصى حاليا دخلنا في المواد المخدرة أو مواد غير مصرح بيها.. اللي أقدر أقوله إنها بتحرق العين والأنف وبتعلي نبض القلب وده بيحصل داخل سكن تابع للجامعة عادي جدا.. وكل ده للتستر على جريمتها الأولى".
وفي منشور آخر طالب شقيقها نادر حامد، بعدم الكشف عن أية تفاصيل بشأن وفاة شقيقته، قائلا: السلام علیکم يا جماعة.. أنا نادر أخو ريم حامد... بعد إذنكم محدش يتكلم عن أي تفاصيل ليها علاقة بالوفاة لإنه مفيش أي حاجة مؤكدة ولا أي دليل جنائى لحد دلوقتي.. الكلام المكتوب قد يضر بحق ريم.. من فضلكم تركز بس اننا ندعيلها ونقرأ ليها قرآن وندعي لوالدتها عشان حالتها صعبة جدا.. أتمني ان الناس لو اننا نبطل نتكلم عن أشياء غير مؤكدة وقضية قيد التحقيق ونبطل نشير البوستات القديمة بتاعتها ورسايلها. من فضلكم نحترم خصوصية ريم أختي واحنا متابعين مع محامي هناك والشرطة الحمد لله".
