يسرا اللوزي: البحر الأسود فيلم فانتازيا ومش عارفه أحكي قصته لجوزي
تحدثت الفنانة يسرا اللوزي عن مشاركتها في فيلم البحر الأسود، والذي انتهت مؤخرًا من تصويره تمهيدًا لعرضه خلال الفترة المقبلة عبر إحدى المنصات الإلكترونية، بجانب مشاركتها في مهرجانات سينمائية.
وقالت يسرا اللوزي، في لقائها مع القاهرة 24: التجربة جت مفاجأة في وقت أنا كنت منشغلة في تصوير مسلسل سراب، اتبعتلي السيناريو وسمعت إنه فيلم مختلف، والسيناريو صعب يتحكي علشان كده صعب أوي اتكلم عنه، هو فيلم تحسي إنك عايزه تشوفيه والمخرج شاطر جدًا هو ده أول عمل ليه ولكنه عايز يعمل حاجة جديدة ومختلفة وبعد ما قابلته أنا اتطمنت.
وعن تخوفها من التعاون مع المخرج علاء الدين مصطفى في أولى أعماله الفنية، أضافت يسرا اللوزي: أنا مخوفتش إن ده أول عمل للمخرج علاء الدين مصطفى، وأنا طول عمري بشتغل مع مخرجين في أول أعمالهم الفنية زي أحمد عبد الله السيد في فيلم هيليوبوليس.
وأكملت: حبيت أشارك في تجربة فيلم البحر السود، هو فيلم فانتازيا ودراما في اللازمان واللامكان، هو مش فيلم تقليدي له بداية ووسط ونهاية.. هو قصة وحبكة ولكن مش سهل تتحكي، أنا مش عارفة أحكيه لجوزي، كل واحد لما يتفرج عليه هيتخله من منظوره، ولما قعدت مع المخرج علاء الدين مصطفى اتطمنت أكتر، لأنه فعلًا شاطر وله رؤية وطموح، وعارف هو بيعمل إيه ومتمكن من أدواته.
فيلم البحر الأسود
وفيلم البحر الأسود من بطولة خالد الصاوي، يسرا اللوزي، ثراء جبيل، حمزة العيلي، أحمد ماجد، يوسف عمر، محمد الجداوي، كريم علي، بسنت أبو باشا وهو من إنتاج شركة archive media production وتأليف وإخراج علاء الدين مصطفى.
