أبرز تصريحات شمس البارودي عن نجلها في ذكرى وفاته الأولى: عريس بالجنة وروحه في الحرمين
تحل اليوم الذكرى الأولى لـ رحيل عبد الله نجل الفنان حسن يوسف، والفنانة شمس البارودي، الذي رحل عن عالمنا في مثل هذا اليوم غرقًا بإحدى قرى الساحل الشمالي.
بدورها، فتحت الفنانة شمس البارودي، قلبها لـ القاهرة 24، وتحدثت عن نجلها الأصغر الراحل، معربة عن اشتياقها الكبير له وتأثرهم الشديد بوفاته.
أبرز تصريحات شمس البارودي عن نجلها الراحل مع القاهرة 24
- اتعمل حاجات خير لعبد الله، الحمد لله من وقت وفاته لكن مش هنقول عليها بس الحمد لله كل حاجة اتعملت وبزيادة عشان روحه تبقى مرتاحة.
- الحمد لله بيجيلى وبييجي لـ أبوه الحمد لله، قلبي مرتاح الحمد لله، واتطمنت عليه وعلى مكانته بفضل من الله ونعمه.
- فيه ناس معرفهاش بتعمل خاتمة قرآن لـ عبد الله.
- هو حبيبي كان قبل وفاته بـ 5 أيام بيقول عايز أروح مكة، وإحنا بنروح هناك وبنعمل عمرة كتير، وأنا بقول روحه هناك وبيتمتع بالحرمين والله أعلم، كل غيب في يد الله.
- إحنا مؤمنين بقضاء الله ولكل أجل كتاب وكلنا رايحين مفيش حد قاعد، وإن شاء الله يكون لقائنا معاه في الجنة لأنه شهيد.
- أبوه بيقعد يبكي كأن لسه الحدث حاصل، والحمد لله البكاء ده رحمة من الله.
- هو عريس في الجنة وكان خارج من قصة حب فاشلة وسابني أنا أختار له، وفرش شقته معايا قبل ما يموت، الحمد لله كله بأمر الله.
- الفقدان صعب بس خلاص ده أمر يخصنا إحنا ولو الناس مش حاسة بيه ربنا يتولاهم ويهدي الجميع.
