ظلم وقهر وأذى.. كيف وصف لاعبو الدوري الممتاز وجودهم في الأندية؟
كانت ازمة المستحقات المالية والظلم هي عنوان المشهد الرياضي المصري لدى العديد من لاعبي الدوري المصري ومع مختلف أندية الدوري، والتي تصدرت مواقع التواصل الاجتماعي.
محمد هاشم
كانت البداية مع محمد هاشم لاعب فريق الإسماعيلي، الذي نشر على حسابه الشخصي عبر موقع التواصل الاجتماعي إنستجرام يشكو فيه من منعه من نزول التدريبات الجماعية بالإضافة إلى وجود مستحقات متاخرة له لدى الدراويش.
محمد حسن
اما الثاني فكان محمد حسن صانع ألعاب فريق الإسماعيلي، والذي نشر على حسابه الشخصي على إنستجرام، يعلن عن تعرضه إلى ضغط نفسي وقهر بسبب استبعاده من تدريبات الإسماعيلي.
وقال حسن على إنستجرام: بقالي شهر ونص ممنوع من التمرين، وإني أمارس الحاجة اللي بحبها لمجرد إن فيه شخص قرر ده من غير سبب يعمل كده.
وتابع: من كتر الزعل وإن الواحد يكتم جواه الجسم بدأ يتكلم ويشتكي، ده حال ناس كتير بتقابل في شغلها ناس مريضة نفسيا بتطلع مرضها عليك.
وأختتم حسن تصريحاته: القهر ده إحساس وحش أوي ربنا ما يكتبوا علي حد، ربنا اسمه العدل لو حقك ماختوش في الدنيا في الآخرة هتاخده أضعاف، ربنا يرحمك يا رفعت، يمكرون ويمكر الله والله خير الماكرين.
عمار حمدي
بينما كان الثالث هو عمار حمدي لاعب فريق المقاولون العرب، الذي أثار الجدل على حسابه الشخصي عبر موقع التواصل الاجتماعي إنستجرام ببوست غامض خلال الساعات الماضية.
وكتب حمدي على حسابه: أصعب حاجة لما الدنيا تفرض عليك حاجة وأنت مش حاببها، والأصعب لما تكون وسط ناس بيحاولوا يكسروا طموحك وأنت بتعافر عشان تنجح وتحقق اللي أنت عايزه،
وأضاف لاعب المقاولون العرب: إحساس صعب جدًا لما تحس بالظلم والقهر من ناس أنت سيبت ناس أحسن منهم وعائد مادي أكبر بكتير عشان تروحلهم وفي الآخر ما يقدروش دا، لأ وكمان عاوزين يقعدوك ويكسروا طموحك وهما عارفين قيمتك كويس أوي بس مفيش في إيدك حاجة تعملها، والحمد لله اللي بيريح الواحد إن ربنا شایف کل دا واللي بتعمله النهارده هيتردلك بكرا، شكوتي لربنا سبحانه وتعالى مش لحد من البشر، ومليش كلمة غير حسبي الله ونعم الوكيل.
فوزي الحناوي
أما الأخير فكان لاعب فريق الاتحاد السكندري فوزي الحناوي الذي أعلن منذ ساعات عن فسخ تعاقده مع زعيم الثغر، بسبب وجود أزمة مع مسؤولي زعيم الثغر.
ونشر الحناوي على حسابه عى فيس بوك:
