على طريقة أحمد رفعت.. لاعب الإسماعيلي يعلن تعرضه لـ ضغط نفسي ومنعه من التدريب
كشف محمد حسن لاعب النادي الإسماعيلي، عن تعرضه لـ ضغط نفسي بعد منعه من التدريب مع الفريق خلال الفترة الماضية، وذلك بعد ساعات من وفاة أحمد رفعت لاعب نادي مودرن سبورت.
تصريحات محمد حسن
ونشر محمد حسن عبر حسابه الرسمي على إنستجرام، صورة لكف يده تظهر بها حبوب، معلقًا: ده برضو أحد أعراض الضغط النفسي اللي الواحد بيشوفو.
وواصل: بقالي شهر ونص ممنوع من التمرين، وإني أمارس الحاجة اللي بحبها لمجرد إن فيه شخص قرر ده من غير سبب يعمل كده.
واستكمل لاعب الإسماعيلي: من كتر الزعل وإن الواحد يكتم جواه الجسم بدأ يتكلم ويشتكي، ده حال ناس كتير بتقابل في شغلها ناس مريضة نفسيا بتطلع مرضها عليك.
لاعب الإسماعيلي: القهر ده إحساس وحش أوي
واستطرد محمد حسن: أنا بقول لـ أي حد يحصل معاه كدة متكتمش جواك ومتجيش علي نفسك علشان حد ما بيخفش عليك وعلي زعلك.
وأتم محمد حسن تصريحاته قائلا: القهر ده إحساس وحش أوي ربنا ما يكتبوا علي حد، ربنا اسمه العدل لو حقك ماختوش في الدنيا في الآخرة هتاخده أضعاف، ربنا يرحمك يا رفعت، يمكرون ويمكر الله والله خير الماكرين.
يذكر أن الإسماعيلي تلقى خسارة أمام الزمالك في المباراة التي أقيمت على ستاد القاهرة الدولي مساء اليوم ضمن منافسات بطولة الدوري المصري الممتاز.
وسجل هدف الإسماعيلي الأول عبد الرحمن مجدي، بينما سجل هدفي الزمالك عبد الله السعيد، لـ تنتهي المباراة بفوز الأبيض 2-1.
