بعد نشر القاهرة 24.. الداخلية تكشف تفاصيل تعدي سائق شركة ديدي على سيدة
كشفت أجهزة وزارة الداخلية ملابسات ما تم تداوله عبر موقع فيس بوك، بشأن تضرر سيدة من سائق سيارة بإحدى شركات النقل الذكي بالقاهرة.
تفاصيل شكوى سيدة من سائق ديدي وتعديه عليها
وقالت وزارة الداخلية في بيان لها إنه في إطار جهود أجهزتها لكشف ملابسات ما تم تداوله عبر موقع "فيسبوك" بشأن تضرر سيدة من سائق سيارة تابعة لإحدى شركات النقل الذكي لتعديه عليها بالسب وإنزالها قبل الوصول للمكان المتفق عليه.
بالفحص وبسؤال الشاكية ربة منزل – مقيمة بدائرة قسم شرطة الحدائق قررت بحدوث مشادة كلامية بينها وبين السائق لعدم رغبته في توصيلها للمكان المحدد، كما أمكن تحديد وضبط السيارة وقائدها سائق – مقيم بدائرة قسم شرطة منشأة ناصر.
وبسؤاله قرر بعدم توصيل الشاكية للمكان المتفق عليه لكون الطريق غير ممهد وصعوبة سير السيارة فيه، وتم اتخاذ الإجراءات القانونية.
من جانبها كانت روت السيدة المجني عليها لـ القاهرة 24 تفاصيل الواقعة موضحة: ركبت مع سواق النهاردة تبع شركة ديدي، كنت رايحة عزبة النخل وطلبته وبعد ما عمل قبول للرحلة واتحركنا من النزهة الجديدة، لقيته بيقولي كويس والله أنا كنت مروح وقلت كويس في طريقي وأنا معلقتش.
وأضافت في شكواها: وصلنا قبل الموقع بكيلو متر، وقالي ممكن تنزلي قلتله لسه فاضل كيلو هنزل ليه، هنا اتعصب عليا وخبط على الدريكسيون، ولما اتحرك وصلنا عند الشارع اللي هنزل فيه، وصلني وأنا هنزل في آخر الشارع لكنه فجأة وقف، وقالي مش هتحرك خطوة، قلت له بكل احترام معلش أنا عارفه إن المطبات صعبة بس معايا طفلة ونايمة وشنط كتير ومش هقدر امشى بيهم.
وتابعت الشاكية: زعق فيا جامد واتكلم بعصبية زائدة عن اللزوم، وقال لي: بقولك انزلي أنا تعبت ومش همشي، ومن كتر ما قعد يزعق ويخبط في العربية البنت صحيت واتخضت وفضلت تعيط.
واستطردت في حديثها: قال لي لو منزلتيش من العربية هدخل بيكي في شجرة انتي وبنتك، اخلصي هتنزلي انتي وبنتك ولا أنزلك بالعافية، ولما لقيته بيشتم طلعت الموبايل وصورته ولما شافني بصور راح عدل لسانه، أنا مش هسكت أنا وبنتي كنا في خطر وهاخد ضده كل الإجراءات القانونية.
