علاء عوض عن جميلة عوض ابنة شقيقه: اتأخرت في الجواز.. ويا رب محدش يقرّ عليها
علق الفنان علاء عوض، على ابنة شقيقه الفنانة جميلة عوض، بعد تصدرهما التريند، وذلك عقب انتشار فيديو رقصته مع جميلة عوض في عقد قرانها على المونتير أحمد حافظ.
وقال علاء عوض، في لقائه مع الإعلامية ياسمين عز، في برنامجها كلام الناس: “عملت رقصة مع جميلة بـ”نكلة" وده واحد على مليون وطلع تريند، أومال لو شافوا اللي كنت بعمله زمان، كانوا هيقفلوا علينا التريند.
علاء عوض يتصدر التريند مع جميلة عوض
وأضاف: “ناس زعلوا إننا معزمناهمش في فرح جميلة عوض، أنتم مفكرين أننا مسيطرين؟، دي ماما هي اللي مسيطرة علينا بجمالها وهي جميلة في كل حاجة”.
واستكمل: “جميلة اتأخرت شوية في موضوع الجواز، واحنا فرحنا لما اتجوزت أحمد حافظ المونتير رقم واحد في مصر، واحنا مطمنين، ويا رب محدش يقرّ عليها؛ هي جميلة كده ورايقة مع نفسها سيبوها، هما مكملين بعض”.
وأما عن رأي العائلة في دخول جميلة عوض عالم التمثيل، قال الفنان، إن جميلة أعدت لنا مفاجأة بمشاركتها في مسلسل تحت السيطرة، مؤكدًا أنها أتقنت دورها التي قامت به، وهذا سبب لنا جميعًا حالة من الذهول، مشيرًا إلى أنها تعتبر الدلوعة الموجودة في العائلة، ونحن نشعر بفخر بما حققته من نجاح في هذا المسلسل.
وأكد “عوض”، أنه وأشقاءه لم يدخلوا الوسط الفني بالواسطة، مردفًا: “بابا قالنا ده الطريق بتاعكم أنا مبساعدش، اللي عايز فن يروح، إحنا فنانين مش علشان إحنا ولاد عوض، احنا فنانين علشان في موهبة موجودة، وشغل الأكاديمية ملهوش علاقة تمامًا بشغل السوق”.
علاء عوض: أبويا وأمي ماتوا في 50 يوما
وتحدث الفنان عادل عوض، عن علاقة والديه الراحلين، موضحًا أن والدته دخلت في حالة شديدة من الحزن بعد رحيل والده الفنان محمد عوض، قائلًا: “أنا خدت خبطات كتير في حياتي وكبيرة، وأبويا وأمي ماتوا في 50 يوم، أمي كانت بتعشق أبويا وخدت الـ 40 بتاعه، وهي في حالة صمت، ودخلت 25 يوم الإنعاش، وتوفت بعد وفاته بـ 55 يوم”.
علاء عوض يروي تفاصيل حصوله على سيارة بعد فوزه بمسابقة رقص
ومن ناحية أخرى، روى الفنان، تفاصيل حصوله على سيارة بعد فوزه بمسابقة رقص، قائلًا: “بما أني بكالوريوس باليه، وكنت بكسب دايمًا مسابقات، وفي مرة لقيت أوتيل عامل مسابقة على عربية، وعملت شكل استعراضي وضفرت الباليه مع المودرن دانس، والمسابقة كانت كل يوم حد واثنين، وكنت بطلع الأول كل أسبوع، ويوم ما كسبت العربية كنت صرفت قد ثمنها 4 مرات، ومحمد منير وشريف منير كانوا بييجوا يشجعوني، وهي فرحة المكسب أن بكسب كل الدول العربية، وكسبت العربية واتنصب عليا فيها”.
