علاء عوض عن سبب طلاق المطربة مها خليل: اتعملي أعمال سفلية.. وتبت بعد الجوازة الرابعة
كشف الفنان علاء عوض، لأول مرة تفاصيل وسبب طلاقه من المطربة مها خليل، موضحًا أنه تزوج 4 مرات في حياته، ولكنه قرر عدم الإنجاب وعدم خوض تجربة الزواج مرة أخرى.
وقال علاء عوض، في لقائه مع الإعلامية ياسمين عز، في برنامجها كلام الناس: أنا اتجوزت 4 مرات وتبت بعدها، الجواز حاجة جميلة جدًا وله إيجابيات وسلبيات، وأنا عندي 5 بنات اللي هما بنات إخواتي، وكان عندي فرص كتير أخلف واخترت إني مخلفش، واخترت إني أربي كلاب، هما حياتي كلها وبصرف عليهم 70% من فلوسي.
وعن سبب طلاقه من المطربة مها خليل، علق علاء عوض: مفيش حاجة عقدتني من الجواز، ولكن أنا حظي كان وحش، والزوجة الأولى المغنية مها خليل والدتها كانت رافضة والأب مكروه، وبقيت أنا مكروه عن الأم إني اتجوزت بنتها غصب عنها، وبقت تعملي أعمال سفلية، وأنا اتكسرت في أول حب، واتجوزت التانية والتالتة والرابعة في 3 سنين.
تصريحات علاء عوض
وكشف الفنان عادل عوض، تفاصيل بداياته الفنية، قائلًا: أنا طول عمري مبحبش أحرق نفسي حتى من أول ما بدأت، كنت بشتغل كل حاجة ممكنة وبرفض كتير، وفي ناس بتخاف من الأدوار الصغيرة، أنا مبخافش من الأدوار الصغيرة، والموضوع بدأ بـ شخصية شنكل، وكان أول بطولة جماعية فيلم من الأستاذ أحمد زكي، وأنا كنت مسمع كراقص في مصر، وأستاذ أحمد زكي شافني من فيلم الاحتياط واجب وهو اللي رشحني في الأفلام بنفسه، ورشحني لـ آل السبكي في مستر كاراتيه، وبعتلي بنفسه أقابله في مكتب السبكية وقالي أنه مرشحني أعمل استعراضات فيلم مستر كاراتيه، قولتله طيب حضرتك ما تجيب عاطف عوض هو نمبر وان، قالي لو هو نمبر وان بالنسبالي كان هيبقى قاعد مكانك، وعملت الاستعراض بـ إجادة شديدة، وحصل انبهار.
وأضاف علاء عوض: شخصية شنكل كلها كانت ارتجال مع الأستاذ أحمد زكي، وسبحان الله هو إزاي كان شايف الرؤية دي ومهما عملت دور صغير أو كبير يفضل شخصية شنكل دي بصمتي.
