100 ألف جنيه في شهر.. بلوجرز يروجون لتطبيق جديد لكسب المال من المشاهدات
يروج البلوجرز على منصة تيك توك لتطبيق يساعد في كسب المال، والذي انتشر بين رواد وسائل التواصل الاجتماعي في الفترة الأخيرة، حيث يزعم مستخدمو تيك توك الذي يعلنون عن التطبيق أنه ساعدهم في تحصيل كميات هائلة من المال في وقت قليل، وبمجهود لا يذكر عن طريق مشاهدة الفيديوهات.
بلوجرز يروجون لتطبيق جديد لكسب المال
انتشرت مقاطع فيديو لبلوجرز ظهروا على التيك توك وهم يحملون رزم أموال ويتفاخرون بها أمام متابعيهم، مؤكدين أن السر يكمن في مشاهدة مقاطع الفيديو على تطبيق مرفق برابط في صفحتهم الشخصية.
وظهرت إحدى البلوجرز في مقطع فيديو تقول فيه: الموضوع كله عبارة عن لينك بتحملوه عن طريقه أبلكيشن، وبتقعدوا تتفرجوا على فيديوهات زي التيك توك بالظبط، وتجمعوا نقاط واللي بتقدروا تحولوها لفلوس، يعني شغل سهل وبسيط مفيهوش أي مجهود، عشان يبقى معاكوا فلوس كتير كدة، أنا جمعت 100 ألف جنيه في شهر.
بينما أعلن حساب آخر عن التطبيق فيقول: ما تيجوا أقولكوا إزاي كسبت 10 آلاف جنيه في 10 أيام، الناس هتستغرب وتقولي مرتب الشهر نفسه ميوصلش 10 آلاف جنيه، لكن كل اللي عليكم إنكم تدخلوا على الصفحة بتاعتي، وكل ما تتفرجوا على فيديوهات وتعملوا لايكات وكومنتات كل ما هتكسبوا أكتر.
وقالت بلوجر أخرى، كانت تعلن عن التطبيق بينما تمسك في يديها رزم مالية كبيرة، فتقول: لسه راجعة من البنك والفلوس طازة، ولسه قابضة شغل الشهر الي فات، هو أنا مقولتلكوش إني بشتغل أونلاين، بتفرج على فيديوهات وجمعت 30 ألف جنيه في 25 يوم بس، وكل ده على أبلكيشن بيخليني أتفرج على فيديوهات، وكل ما أتفرج على فيديو آخد فلوس أكتر.
رأي المتابعين في التطبيق
ورغم إعلان فئة كبيرة من البلوجرز عن التطبيق المشار إليه، إلا أن التعليقات منقسمة ما بين أشخاص يؤكدون أن المعلن هو المستفيد فقط بعد الضغط على الرابط الخاص به، ولكن في الحقيقة الأفراد لا يجدون أي نقاط في محفظتهم، وبين أشخاص يتساءلون عن ما إذا كان كسب المال بتلك الطريقة حلال أم حرام، وآخرون يزعمون أن الأمر ليس حقيقي ولا يجب الانسياق وراءه.
