أبوها السبب.. حسام حبيب يفجر مفاجأة عن سبب إيذاء شيرين عبد الوهاب نفسها في أزماتها
أوضح الفنان حسام حبيب، أن والد طليقته الفنانة شيرين عبد الوهاب، هو سبب أذيتها لـ نفسها خلال أزماتها الأخيرة، والتي اتهمته فيها بالتعدي عليها بالضرب وإحداث إصابات بها.
حسام حبيب يكشف سبب إيذاء شيرين عبد الوهاب نفسها في أزماتها
وقال حسام حبيب في تصريحاته لـ القاهرة 24: شيرين قالتلي زمان لما باباها كان بيتخانق مع حد بيعور نفسه ويروح يعمل محضر في القسم، وكنت مفكرها بتهزر، دي مش وراثة بس ده سلوك غلط.
وتابع حسام حبيب: أنا عاشرت شيرين كتير وهي لما بتتعصب بتأذي نفسها، وهي بتقول كدا لازم أضر نفسي عشان أعمل مشكلة أجبرك أنك تمشي أو متكلمنيش تاني.
كما شدد حسام حبيب، أنه لم يأخذ أي أموال من شيرين عبد الوهاب، طيلة فترة زواجهما، قائلًا: أنا عمري ما خدت من شيرين مليم، وتسألوا المحاسب القانوني بتاعها يقولكم أنا ليا كام عند شيرين عبد الوهاب، وهي قالتله من كام يوم اعمله بيان إن حسام له كام عندي، وقالتلي أنت أي حاجة ليك هتاخدها على الجزمة، قولتلها اتكلمي كويس يا شيرين أنا مطلبتش منك حاجة عشان أخدها، قالتلي لا أنا مابحبش أبو بلاش، قولتلها هو رقم كبير جدًا، قالتلي يطلع زي ما يطلع، ولما عرفت الرقم ضحكت، قولتلها أنا مش عايز حاجة بس تقولي مش عارفة تدفيعهم عشان متتكبريش عليا بفلوسي.
وأضاف حسام حبيب: دي مواقف من زمان، وأنا اتظلمت ولسه عندي حاجات كتير مهولة، يعني مرة انضربت مقص في إيدي وعملت عملية في الأوتار، وكنت غرفان دم وبقولها عادي بتحصل ورايح المستشفى وداخل الاستقبال وجنبي 4 دكاترة وهي قاعدة على السرير جنبي ومفيهاش حاجة أنا اللي متعور، قالت في المستشفى مرة واحدة إيه كلكم ملمومين حواليه ومحدش معبرني.
