كيف أقنع المحرض على قتل صغير شبرا الخيمة الجاني بارتكاب الجريمة عبر دارك ويب؟.. مفاجأة في التحقيقات
كشف محرض قاتل صغير شبرا الخيمة بجريمة الدارك ويب خلال تحقيقات النيابة العامة، تفاصيل مثيرة في واقعة تحريضه المتهم الأول على قتل أحمد المعروف بطفل شبرا، بعد أن استدرجه لشقة سكنية وقتله تنفيذا لأوامره وتصوير الجريمة لنشرها علي موقع بـ الدارك ويب الخاص بتجارة الأعضاء البشرية.
اعترافات محرض قاتل صغير شبرا الخيمة
وحصل القاهرة 24، على نص تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال قاتل صغير شبرا الخيمة كالتالي:
اسمي علي م ز، عندي 15 سنة - طالب بالصف الثالث الإعدادي بمدرسة مودرن أكاديمي بدولة الكويت، بعدما ما قررت أعمل أكونت على الدارك ويب وشوفت إن مصر أكتر مكان ممكن أطلع منه بضحايا، اتعاملت مع 8 أشخاص علشان أعمل الفيديوهات العنيفة الـ gore videos، وكان كل واحد فيهم ببعتله قائمة بالمنومات اللي محتاجها والأدوات اللي هنستعملها، ومن ضمنهم بعتلوا إنه يجيب سم فئران بردو، وكنت بفهمهم إنه هنخدر الحالة وننيمها وفيه بعضهم قلتله يدي سم الفئران للشخص اللي بنيمه، أو يخنقه أو يحط المخدة على وشه.
وتابع محرض قاتل صغير شبرا الخيمة: كان دايمًا نفسي أستخدم المشرط الجراحي عشان الفيديو يبقى قوي وأستمتع بيه وفي نفس الوقت لما أعرضه على الدارك ويب يجيب فلوس كتير ومستخدمتش المشرط الجراحي إلا في حالة واحدة بس، وهي الحالة الوحيدة اللي الشخص فيها مات، وهي حالة طارق وأحمد صغير شبرا الخيمة وكنت عايز باقي الوقائع يبقى فيها دم وأشوف الأعضاء الداخلية وكده بس مكنتش بوصل للي عايزة سواء الحالة كانت بتفوق وبتقاوم أو الشخص نفسه اللي بينفذ بيخاف ويوقف الفيديو ويمشي.
واكمل المتهم: حالة طارق وأحمد صغير شبرا الخيمة كانت مختلفة بالنسبة لطارق، أنا تواصلت معاه في 2024/4/14 تقريبًا حسب ذاكرتي، وهو كان عامل منشور في جروب تبرع بالكلى ببروفايل اسمه - زياد إبراهيم طلب فيه التبرع بفص كبد منه، فدخلت على الرسائل وابتديت أتكلم معاه، وأنا حسيته سهل أتحكم فيه وأوجهه للحتة اللي أنا عايزها علشان هو داخل عايز فلوس من غير تفكير وعايز يقطع حتة منه بسهولة ويبيعها.
وأضاف محرض قاتل صغير شبرا الخيمة: أنا أخدته في سكة إننا ناخد عينات من حد ثاني وفلوسها أحسن علشان يطمن ويحس إن الموضوع أسهل من اللي في دماغه، وبالفعل عرضت عليه إننا نجيب حد من 6 إلى 18 سنة وشرط يكون رفيع علشان ناخد منه عينات، ومحبتش أقول عينات إيه علشان أنا كان نفسي نوصل لمرحلة إننا نستخدم المشرط الجراحي فقولتله عينات بس وهو قالي إنه معايا في أي حاجة، فحسيته هيعمل اللي نفسي فيه، وبالفعل بعتلي صورة أحمد ولقيته رفيع وفي سن مناسب وهيبقى ممتاز للفيديو، وقولتله تمام.
وواصل محرض قاتل صغير شبرا الخيمة: بعت للقاتل قائمة بالأدوية والمنومات والمستلزمات الطبية اللي هو هيحتاجها علشان نضمن إن أحمد ينام وميقمش وكان من ضمن القائمة مشرط جراحي علشان نفتح جسم أحمد، وبالفعل طارق اشترى الحاجة وقالي إنه اشتراها، وقلتله إننا عايزين نبدأ أول ما يشتري الحاجة على الساعة 1 صباحًا تقريبًا، فهو قالي إنه هيظبط كل حاجة ويجيب أحمد ويطلع بيه على شفته وهيكلمني لما يوصل، وبالفعل يوم 2024/4/15 لقيته بيبعتلي على رسائل فيسبوك إنه أحمد معاه وهما طالعين فوق الشقة وهيبتدي معاه وقلتله ازاي يديله المنوم، واداله المنوم بس أحمد منمش فكلما بعض فيديو علشان أبتدي أسجل الفيديو Gory video عشان انزله في الدراك ويب.
