أحمد سعد يتحدث عن طليقته علياء بسيوني: أنا الوحيد المستفيد من علاقتنا | التصريحات الكاملة
تحدث المطرب أحمد سعد حول انفصاله عن علياء بسيوني خلال أغسطس من العام الماضي، كاشفًا الأسباب التي أدت إلى ذلك، مؤكدًا أنه بعد انفصاله عنها لا يريد الزواج مرة أخرى.
أحمد سعد بعد انفصاله عن علياء بسيوني: مش عاوز اتجوز تاني
وتحدث أحمد سعد خلال تصريحات تليفزيونية قائلًا: علياء هي الزوجة الرابعة لحد دلوقتي، وأنا كده تمام مش عاوز اتجوز تاني، وهي كانت من أعظم القوى في حياتي، وعلمتني كل التغيير في حياتي.
وتابع: أنا عندي وجهة نظر أن الست هي المحرك الأساسي والرئيسي لـ الرجل، أي كان هو عظيم دايمًا الست دافع ليه ولو الراجل فاشل بتكون الست اللي خلته كده، والست عندها قدرة مهولة في الزن، ولو عندها هدف هتعمله، وعلياء كان عندها صبر مهول، وأعتقد الصبر ده موجود عند كل ست.
أحمد سعد: اختياراتي غريبة جدًا
واستكمل حديثة قائلا: أنا كانت اختياراتي غريبة جدًا، بس كان عندي حاجة مهمة لما بلاقي نفسي في حتة وحشة أختار الشخص اللي اتسند عليه وأسلم له دماغي، وأنا كنت سايبها تعمل وتقرر كل حاجة في الشغل، وشفت نتيجة كلامها ونجاحنا سوا.
سبب طلاق أحمد سعد وعلياء بسيوني
قال أحمد سعد: اللي حصل بعد كده ابتدى يبقى الشغل كتير وهي حبت الشغل معايا، والشغل بدأ ياخد من حياتنا الأسرية، وهي شخص مجتهد ومحترم جدًا، وأنا قعدت أجاهد عشان حياتنا الشخصية، ولو أنا أناني كنت كملت حياتي لأن أنا الوحيد المستفيد.
وفي سياق آخر، أعرب أحمد سعد عن حبه لعلياء بسيوني وذلك خلال وجوده في بودكاست Big Time، مع الإعلامي عمرو أديب إذا قال: علياء أحلى أيام وذكريات في حياتي هي ست عظيمة وفي بينا بنت هي قدمتني لقدام، مش معنى إننا اختلفنا إن الحياة انتهت بينا، دي أم صالحة لعيالي وأحسن ست في الدنيا، وعليها عيون لا بتنافق ولا بتخون.
أحمد سعد وارتباطه بـ حلا شيحة
ومن ناحية أخرى، أثارت صورة حلا شيحة وأحمد سعد، جدلا من نوع آخر، وذلك عندما نشرت حلا صورة سيلفي عبر ستوري إنستجرام، وظهرت مرتدية دبلة، مما أثار الجدل حول زواجها أو ارتباطها وتواصل القاهرة 24 حينها مع والد حلا شيحة، للكشف عن حقيقة ارتباطها، وأوضح: مفيش ارتباط ولا حاجة.. آخر زيجة في حياتها كان معز مسعود ومن بعدها متجوزتش تاني.
