بعد نشر القاهرة 24.. حياة كريمة تستجيب لـ عم ربيع بسداد ديونه
استجابت مؤسسة حياة كريمة لـ عم ربيع صاحب تريند إلقاء البرتقال على شاحنات مساعدات غزة، بسداد ديونه، وذلك بعد نشر القاهرة 24.
وتواصلت مؤسسة حياة كريمة مع موقع القاهرة 24، لاتخاذ اللازم وسداد ديون عم ربيع والتكفل به.
استجابة حياة كريمة لـ عم ربيع
وقال عم ربيع في بث مباشر لـ القاهرة 24 بعد عودته من الحج، إنه لا يزال مديونًا بمبلغ 80 ألف جنيه.
وأضاف عم ربيع: جيت بالسلامة من الحج وازداد حب الناس ليا سعوديين وناس مكنتش أعرف لغتهم كانوا مرحبين بيا وعارفيني، واللي يسعدني أكتر نصرة فلسطين وأتمنى لمصر السلامة والرقي.
كنت مديون بتمن البرتقال
وأردف قائلا: جالي رسايل كتير من أهل فلسطين.. أنا عاوز لهم النصر والأمان وبقولهم أنا كلي ليكم لكن لا أملك إلا الدعاء.
وواصل: وأنا برمى البرتقال مكنتش حاسس بأي حاجة لكن اتفاجئت بعدها بحب الناس، أنا كنت مديون بـ 200 ألف، وعليا دلوقتي 80 ألف جنيه.
وأكد عم ربيع: نفسي يكون عندي استقرار في تجارتي.. الناس عملت أزمة بسبب الحج وطلعوا عليا إني بقى عندي فيلا وعربية، مضيفًا: أنا خايف من الشهرة والغنى أنا بس عاوز أعيش مستور.
واختتم حديثه قائلًا: ربنا عوضني بزيارة البيت الحرام والمسجد النبوي.. وعاوز ربنا يسدد ما عليا وكل اللي ليه عندي جنيه هرده وأبوس على راسه.
