يوري مرقدي: عملت أغنية أنا عربي لأن أمريكي شتم مصري.. ووقت بناء الأهرامات أوروبا كانت معفنة
كشف الفنان اللبناني يوري مرقدي، عن تفاصيل أغنيته الجديدة أنا عربي، والتي تم ترجمتها إلى 7 لغات عبر موقع يوتيوب، مؤكدًا أنه يخاطب بها الغرب، بعد إتهام شخص أمريكي لـ مصري بالإرهاب بسبب تحدثه باللغة العربية.
وقال يوري مرقدي، خلال تصريحات إذاعية: أغنية أنا عربي، كتبتها نتيجة حاجة حصلت على السوشيال ميديا، أني شوفت فيديو حد بيشتم واحد مصري في نيويورك بيشتغل في كشك وحاجة بسيطة، وكان بيجرحه في صميم دينه وروحه ونفسيته، إلى أن سأله أنت بتتكلم عربي؟ أنت إرهابي، وأنا هنا دماغي انفجرت وإحنا ضد الإرهاب ومش إحنا والوحيدين اللي عندنا إرهاب، العالم كله عنده إرهاب.
وتابع يوري مرقدي: دلوقتي اللي بيتكلم عربي هو إرهابي؟ قولت لازم أعبر عن حالي وأدافع عن حالي، شمتني لأني عربي فقتلته بقلمي، أنا معنديش سلاح غير الفن، يعني إيه واحد أمريكي يقول لمصري أنت إرهابي؟ من 4000 آلاف سنة لما الأهرامات كانت بتتبني كانت أوروبا معفنة، أنتوا كتبتوا أكبر مجازر في حق الهنود الحمر جايين تتكلموا علينا؟ أنتوا فين؟
وأضاف يوري مرقدي: أغنية أنا عربي، أنا عملتها علشان أتكلم مع الغرب، ومترجمة على اليوتيوب لـ 7 لغات، ومحمد رمضان جدع أنا معرفهوش بس هو جدع، وقال في أغنيته أنتوا بتكلموا حكام العرب، كلمونا إحنا.
