هشام ماجد: المهندس شايف نفسه فوق رغم إن منهم ناس أغبياء
تحدث الفنان هشام ماجد عن سبب دخوله كلية الهندسة رغم تركه للمجال ودخوله مجال التمثيل، مشيرًا إلى أنه دخل هندسة بناء على رغبة أهله، إلى جانب أنه لم يكن اكتشف حبه للتمثيل بعد.
هشام ماجد: دخلت الهندسة بسبب أهلي.. والمهندسين شايفين نفسهم فوق الناس
وقال هشام ماجد خلال برنامج أسرار، مع المذيعة أميرة بدر: من صغري نفسي أبقى مشهور، كنت بتفرج على اللاعيبة والممثلين وأقول نفسي أبقى مؤثر أوي، ودخلت كلية هندسة لأني اكتشفت حبي للتمثيل متأخر، وأهلي كانوا عاوزني أكون مهندس، واشتغلت فترة كبيرة شغلانة كويسة، ولما جيت أمثل ما كنتش محتاج التمثيل ماديا، لكن كنت محتاج أحقق حاجة بحبها.
وأضاف هشام ماجد: والمهندس بيبقى فاكر نفسه يا عيني عبقري، وشايف نفسه فوق الناس، على الرغم إن فيه مهندسين تعبانين جدًا، وفيه مهندسين أعرفهم أغبياء جدًا، والمهندس بيعرفك إزاي ترتب أفكارك وتفكر بطريقة معينة.
هشام ماجد يكشف رأيه في مصطفى غريب
في سياق آخر، تحدث هشام ماجد عن رأيه في الفنان مصطفى غريب بعد مشاركته معه في مسلسل أشغال شقة، قائلًا: ممثل شاطر وبيستغل الفرص الحلوة، وكان دوره صغير وعمل لنفسه مساحة كبيرة، وعدد مشاهده كانت اقل من كده، وابتدى يطلع لزمات وسكة للدور، والاستاذ خالد وشيرين سابوه يعمل كده.
كما كشف هشام ماجد رأيه في الأعمال الفنية الحالية قائلًا: بكره الأعمال اللي بيبقى فيها نجم وكله بيخدم عليه، بحب كل الموجودين له لازمة ومهم في المشهد، وبحاول اعمل كده، وده بيدي للعمل قيمة اكبر، بيبقى فيها هات وخد، يعني لو شفنا فيلم الناظر كلهم بيضحكوا وليهم لازمة، ومكتوب صح والمخرج شريف عرفة بيوزن الفيلم.
