منتج مسلسل إثبات نسب يرد على شائعات عدم اقتناع القنوات بدرة كنجمة شباك | خاص
كشف المنتج عمرو طنطاوي منتج مسلسل إثبات نسب بطولة الفنانة درة، حقيقة الأخبار المنتشرة والتي تزعم تأجيل العمل بسبب فضل التسويق له وعدم اقتناع القنوات بتقديم درة بطولة مطلقة خلال الماراثون الرمضاني المقبل 2024.
وقال عمرو طنطاوي في تصريحات خاصة لـ القاهرة 24، إن كل الأخبار المنتشرة والتي تزعم عدم اقتناع القنوات بتقديم درة البطولة المطلقة في موسم رمضان 2024، مجرد شائعات وليس له أساس من الصحة، مضيفًا: مفيش الكلام ده، وفي 14 قناة عارضين عليا ياخدوا المسلسل ولكن لضيق الوقت ملحقناش نكملوا تصوير، واحنا صورنا 50% من مشاهد المسلسل، ومتبقي النصف.
وأضاف عمرو طنطاوي، منتج مسلسل إثبات نسب: الفنانة درة نجمة كبيرة وبتبيع عادي، ولكن تأجيل المسلسل يرجع لحدوث ظرف شخصي عندي أخرنا، وكمان درة كان عندها حملة إعلانية برضو، ودا سبب التأجيل، وأي حاجة تانية أو كلام تاني غير حقيقي.
وأردف عمرو طنطاوي: من حق الناس تطلع شائعات، المسلسل في فريق تمثيل حلو، وسيناريو حلو، ونجوم كبار، لازم يطلوا شائعات.
عمرو طنطاوي: ممكن نعرض في رمضان 2024
وبشأن إمكانية عرض مسلسل إثبات نسب بطولة الفنانة درة، في موسم رمضان المقبل 2024، قال منتج العمل عمرو طنطاوي: مش عايز أقول هنعرض ومنلحقش، بس هنحاول بقدر الإمكان إننا نلحق وهنشوف وحدة الإخراج، بس لو ملحقناش مش هنعرف، أنا بحترم المشاهد، ومش هطلعله مسلسل أي كلام، لازم المسلسل ياخد وقته في التحضير والتصوير عشان يليق بالجمهور.
