بعد طلاقها.. خطوبة البلوجر أحلام عادل على محمد أسامة: كنت جعانة للحب والاحترام
أعلنت البلوجر أحلام عادل، منذ قليل، خطبتها على صديقها البلوجر محمد أسامة، وذلك بعد أشهر من طلاقها الأخير من مصمم الأزياء أحمد العجمي.
خطوبة البلوجر أحلام عادل
ونشرت أحلام مجموعة من الصور، عبر حسابها الخاص على فيس بوك، تجمعها مع خطيبها محمد أسامة، وعلقت عليها قائلة: أنا مش مصدقة ولا عارفة ولا فاهمة مين دا، سبحان الله النصيب غلاب وربنا دايمًا شايلنا الأحسن لينا، ربنا عالم قد أيه أحلام نفسها تعيش مطمنة وفي أمان جمب شخص يفهمها ويحتويها ويحترمها الحمد لله الحمد لله.
صور خطوبة أحلام عادل
وأضافت: طول الوقت كنا بنشتغل سوا ونروح ونيجي وكومنتات انتوا لايقين ع بعض ومحدش فينا ركز معاها وفعلا بنبعد وسبحان الله بنلاقي حاجة تجمعنا من تاني بس المرة دي واحنا سوا ومش أصحاب، ومش بنصور فيديوهات ومش أي حاجة غير إننا مرتبطين، محمد الشخص اللي فعلا اتمنيته من ربنا، أنا كنت جعانة حب واحترام وأمان، وكان من أحلامي إن أصحابي وأهلي يشوفوني متكرمة ومبسوطة وأنا جمب الشخص اللي بيرضي ربنا فيا، رجولته ليا مش عليا، شخص بيحب الحياة المستقرة البسيطة شبهي ف حاجات كتير.
واختتمت قائلة: أنا حقيقي مبسوطة لدرجة إن كل شوية هاين عليا اتصل أسمع صوته واقفل السكة بس خايفة يقول عليا هبلة.. الحمد لله الحمد لله بجد.
من هو خطيب أحلام عادل
فيما علق محمد أسامة عبر من منشور، أعلن خلاله خطوبته على أحلام قائلا: دنيا ودت ناس وجابت وانتي ثابتة من البداية، في حاجات معينة كدة لازم تنضج قبل ما تحصل عليها، لأنك لو أخدتها بدري هتضيع منك بدري.
وتابع: أوقات كتير مابنفهمش حكمة ربنا من اللي بيحصلنا بس سبحان الله لطف ربنا دايما هو اللي سابق وحاكم، بمرور الوقت اكتشفت أنها مش مجرد كيميا في الفيديوهات وبس لا دي أكتر روح تشبهك وانت بتدور عليها ومش واخد بالك.
وواصل: ترتيبات ربنا دايما جايبالنا الخير، روحنا وجينا وروحنا وجينا ودايما سبحان الله الطريق بيجمعنا سوا تاني، بس المرة دي واحنا بشكل مختلف نتمنا من ربنا يباركلنا فيه طول العمر ويتممهولنا علي خير.
وفي يوليو الماضي، أعلن مصمم الأزياء أحمد العجمي طليق البلوجر أحلام عادل انفصالهما، وكتب عبر حسابه الخاص على فيس بوك: قدر الله وما شاء فعل تم الانفصال رسمي أنا وأم ابني، يشهد ربنا اني مشفتش منها غير كل خير، وسبب الانفصال عدم تفاهم لها مني كل الاحترام والتقدير.
