ريم طارق طليقة حسن شاكوش: أكتر حاجة تاعبة نفسيتي أني بشوف بنات لابسين حاجتي بعد ما أبويا تعب وجهزني
كشفت ريم طارق، طليقة حسن شاكوش، عن أكثر ما تعاني منه بعد طلاقها من مطرب المهرجانات، مشيرة إلى أن أكثر شيء يزعجها هو رؤيتها لفتيات يرتدين ملابسها الخاصة.
وقالت ريم طارق طليقة حسن شاكوش لـ القاهرة 24: أكتر حاجة كانت تاعبة نفسيتي أن بشوف بنات بتلبس حاجتي بعد ما أبويا تعب وجهزني وحقوقي جت جت ما جتش هي عند ربنا.
وأكدت ريم طارق أنها تركز في الوقت الحالي على مستقبلها ونجاحها، ولا تريد أن يناديها أحد بطليقة حسن شاكوش، موضحة: أتمنى الغي قصة طليقة حسن وعاوزة اسمي يكون ريم فقط، مش عاوزة حد يشاور عليا يقول طليقة حسن، مش عاوزة أنسب اسمي لحد ولا اتشهر على قفا حد ومفيش حد بيتشهر على سمعته وشرفه وخراب بيته دي مش حاجة حلوة، لأن أنا بيتي اتهدم وناس اتكلمت في عرضي، وده كله كتير على واحدة داخلة تتجوز وتخلف وكل من هب ودب يدخل يقول فيها وفيها.
واستكملت ريم طارق: كنت عاوزة في الأول اسمي يتمسح من ذاكرة الناس ولكن لقيت أني كده كده اتعرفت والناس شافتني، وقلت هظهر لكم بس عاوزة أعمل أي حاجة تبعدني تماما عن المشكلة، خاصة أن حسن مش الشيخ الشعراوي عشان اتشهر على حسه، ولا البروفيسير أو عمرو دياب.
