ريم طارق تكشف تفاصيل جديدة في أزمتها مع حسن شاكوش بعد انتهاء عدتها
كشفت ريم طارق طليقة حسن شاكوش، جديد أزمتها مع طليقها بعد اشتعال الأزمة بينهما مؤخرًا، وتدخل وسطاء لإنهاء الخلاف والصلح بينهما، إلا أن ريم أكدت أن الفيديو الذي نشرته تعتذر فيه من شاكوش كان مجرد حلًا لتحصل على حقوقها لكنه لم يعطيها أي مستحقات ونشر الفيديو دون علمها.
وأشارت ريم طارق في تصريحات لـ القاهرة 24، إلى أنها تنتظر الحكم في قضية النفقة خلال الفترة المقبلة، أما بخصوص التمكين فأكدت أنها لم تحصل على حقها ولم تتمكن من الشقة مسكن الزوجية.
وأضافت ريم طارق، أنها كانت تنتظر انتهاء العدة لرفع قضية أخرى على حسن شاكوش تطالبه فيها بحقوق المؤخر وباقي حقوق الزوجية من خلال المحامي الخاص بها.
وأكدت ريم طارق أنها لن تتصالح مع حسن شاكوش نهائيًا بعد موقفه الأخير معها، موضحة: قال للناس اللي تدخلت لإنهاء الخلاف بينا، إنها مش عاوزة تحل وإنها بتاعة حوارات وحطني في موقف وحش مع ناس تقيلة، والناس دي قالوا لي اعملي فيديو وقولي فيه إنه محترم علشان تثبتي حسن نيتك، ولكن لقيتهم باعوني وما طلعش سوي.
وتابعت: مستحيل أوافق على الصلح تاني، لأني في المرة الأولى مصر كلها اتقلبت عليا، وأنا لو كنت وافقت على نشر الفيديو وسكت كنت هاخد حقوقي كاملة بس بشرط أنه يطلع قدام الناس كويس وسوي ويبين لهم أني بعمل كده علشان الفلوس ولكن مش هو ده اللي أنا عاوزاه، تولع الفلوس قصاد إن يكون عندي كرامة وأنا ما ضحكتش على حد.
واختتمت: ما خدتش منه ولا جنيه حتى الحاجات اللي خدتها من البيت نصها مسروقة حتى دهبي الشخصي مسروق، ومفيش حقوق خالص إلا قانوني.
