في ذكرى وفاته.. عمة هيثم أحمد زكي عن آخر أيامه: مكنش عايز حد وغيّر أرقام تليفوناته
تحدثت إيمان زكي، شقيقة الفنان أحمد زكي، عن نجل شقيقها الراحل هيثم أحمد زكي في ذكرى وفاته، كاشفة عن أحداث آخر أيامه قبل وفاته.
وقالت إيمان في تصريحات خاصة لـ القاهرة 24: ربنا يرحمه.. كان دايما بيسأل علينا وكان بيتصل بينا، ولكن بعد وفاة والده كانت الاتصالات قليلة وكان بيغير أرقام تليفونه على طول، بس كنا بنعرف أخباره ونطمن عليه.
وأضافت إيمان: والدتي كانت بتروحله شقة المهندسين ووالدة هالة هي اللي كانت بتقعد معاه على طول، محدش صرف على أحمد زكي جنيه ولا على ابنه جنيه، وأحمد زكي سايب لـ هيثم فلوس تكفيه هو وعيال عياله.
إيمان عمة هيثم أحمد زكي: أحمد زكي قاله اتجوز وأعمل أسرة
واستكملت إيمان حديثها عن هيثم قائلة: أحمد زكي قاله أتجوز وأعمل أسرة، وكان حنون وعطوف جدًا زي والده بالظبط، وكان دائما مواظب يجي البلد وندبح ونوزع عيديات على الناس زي ما أحمد زكي ما كان بيعمل، ودايما كان بيطلع جدته حج وعمرة.
وعن آخر أيامه، اختتمت إيمان حديثها: مكنش بيرد علينا ولا على رغدة.. وكان تعبان نفسيًا وعايز يبعد عن أي حد، ومكنش عايز حد يبقى معاه بعد وفاة جدة والدته.
وفاة هيثم أحمد زكي
توفى هيثم أحمد زكي عام 2019، عن عمر ناهز الـ 35 عامًا، وذلك بعد إصابته بهبوط حاد في الدورة الدموية.
