انتصار: احنا متربيين على سينما كلها قبلات.. ولم أشجع على مشاهدة الأفلام الإباحية
علقت الفنانة انتصار، على أزمة تصريحاتها بشأن الأفلام الإباحية، حيث أكدت أنها لم تشجع على مشاهدة تلك الأفلام مثلما زعم البعض، ولكنها أرادت من تصريحاتها إيجاد سببًا من أجل مشاهدة هذه المواقع، كما أشارت إلى أنها نشأت على سينما مليئة بالقبلات، وأكدت أنها ترفض مصطلع السينما النظيفة.
وقالت انتصار في تصريحات تلفزيونية: أنا بحب أكيد المذيعين والمعدين المتطفلين لما بيسألوني عن القبلات، مالها القبلة يعني؟، أم كلثوم غنت للقبلة كارهين القبلة ليه؟، إحنا متربيين على سينما كلها قبلات، وماله المايوه موجود وبيتباع في الشارع، ليه عايزين تاخدوا تصريح على لساني تدينوا بيه لبس المايوه؟، ما أنا بلبس المايوه أنزل بيه البحر مش مقطعاه، حرام عليكم بقيتوا تافهين، لما تختصر الفنان وتقعد تتكلم عن القبلات فقط تبقوا تافهين، يعني إيه سينما نظيفة مغسولة يعني؟!.
أما عن تصريحاتها بشأن الأفلام الإباحية، فقالت: كنت في البرنامج وبنعمل حلقة عن أسباب مشاهدة الفيديوهات الإباحية، فناس قالت بنصبر نفسنا، فأنا قلت الناس بتتفرج ليه؟!، كنت عايزة أجد أسباب، منها الفضول والمراهقة وأحيانا بيكون مرض، إجابة عادية، لكن مقولتش أنا بدعم الفرجة على الأفلام الإباحية.
وأضافت انتصار: في زميلة على شمالي قالت تعليق أنقح مني، قعدت تشرح وعلت عليا، سابوا كلامها ومسكوا فيا، إحنا بنتقاضى أجر مقابل اللي بتقوله، ووائل الإبراشي قالي إيه البرويل اللي عملاه دا أنا والله بحب الحاجات دي أوي، قلت له أنا منزعجة، أنت بتطلع كل يوم دي شغلتك، أنا أول مرة أتعرض لها.
