ياسمين صبري: وصلت لعلامات تجارية كبيرة بدون واسطة.. ولما بيبقى معايا صديقتي وجوزها ييجي بمشي

أكدت الفنانة ياسمين صبري، أنها لا تغضب من تعليقات السيدات اللاتي تتمنى أن تمتلك مثل مقتنياتها وملابسها، مشيرةً إلى أنها تحب الأنثى بشكل عام.

وقالت ياسمين صبري خلال تصريحاتها ببرنامج الحكاية مع الإعلامي عمرو أديب: لما بيبقى معايا صديقتي وجوزها ييجي أنا بمشي على طول عشان هي تكون مرتاحة لحد ما تصر إني أقعد معاهم، وفيه رجالة ذوق بيروحوا من نفسهم مع زوجاتهم عادي، والراجل هو اللي بيخلي خزان الثقة بتاع  الست فاضي أو مليان.

ياسمين صبري: هي الناس عارفة أنا عندي قد إيه في البنك؟

وأردفت ياسمين صبري، معلقة على تعليقات بعض المتابعين لها، وتساؤلهم حول ثروتها الكبيرة، وقالت: هما عارفين أنا عندي إيه في البنك؟، كله بيقول لحقت تعمل كل ده امتى وتجيب كل ده ولبسها وشنطها؟ والطيارة الخاصة مش بتخلي الإنسان محصلش ولا بتعمل إنسان، أنت اللي بتعمل قيمة للحاجة.

وأضافت ياسمين صبري، مشيرةً إلى المهنة التي كانت من الممكن أن تمتهنها لو لم تكن ممثلة، وقالت: لو مكنتش ممثلة كنت هكون سيدة أعمال أو محامية لإني بعرف أتناقش وأتفاوض وبالي طويل وصبورة ونفسي طويل ومرنة.

وقالت ياسمين صبري، إنها لا تغضب من تعليقات السيدات والنظر إليها على أنها شخص جميل، قائلة: الست بتحب كل حاجة حلوة والطاقة الأنثوية بتحب كل حاجة حلوة وعينيها تروح للحاجة الحلوة، بتحب الشياكة والجمال والشكل الحلو حسب امكانياتها وطبيعي الست تبقى عايزة يبقى معاها الحاجات الحلوة.

ياسمين صبري: أنا بحب الستات أوي وبحب أقولهم إنهم حلوين

وأردفت ياسمين صبري: أنا بحب الستات أوي وبقدرهم ولما الست بتتكلم معايا على طول أشكر فيها وأقولها انتي قمر وريحتك حلوة، وتستغرب تقولي أنا؟، ومش بسكت وبفضل اأكد على معلومة إن الست حلوة، ودي صدقة أصلا وجبر خواطر وهترجع وتقعدلك في رزق وجمال وسعادة.. دي فلسفتي.

ياسمين صبري: وصلت لعلامات تجارية بدون واسطة

وأكدت ياسمين صبري على إنها لا تعتمد على الوسائط أبدا، وقالت: لو فيه بنت صغيرة بتقول عايزة تبقى زيي كده وفاكرة إن لازم وسايط ومحمد بيه وكده، لا ولا فيه واسطة ولا حاجة ووصلت لعلامات تجارية كبيرة من غير واسطة.